MIO aamma Naalagaaffiit Peqatigiivisa Meeqqat pillugit Isumaqatigiissutaat - MIO.GL
MIO aamma Naalagaaffiit Peqatigiivisa Meeqqat pillugit Isumaqatigiissutaat

Meeraq kinaluunniit pisinnaatitaaffeqarpoq, kisiannili aamma meeqqat allat pisinnaatitaaffii ataqqissallugit akisussaafeqarlutik.

Eqqumaffigiuk kinaluunniit meeqqanik sullissisoq meeqqanut pinerliisimannginnini uppernarsarsinnaasussaammagu. Inatsisit atuarnerorusukkukkit meeqqanullu pinerliisimannginnermut uppernarsaammik piniarniarnermi immersugassaq uani aakkit.

MIO aammalu Naalagaaffiit Peqatigiivisa meeqqat pillugit nalunaarusiaa

Meeqqat Illersuisuat aamma Meeqqat pisinnaatitaaffii pillugit sullissivik MIO, meeqqat inuusuttullu inuuniarnermikkut atugarisaat pitsanngortinniarlugit suleqataassooq nukittorsaaqataallunilu, Naalagaaffiit Peqatigiivisa meeqqat pillugit nalunaarusiaata tamakkiisumik atuutsilernissaa suliniaqataaffigissallugu.  Tamanna pissaaq meeqqanik inuusuttunillu peqataatitsinikkut aammalu assigiinngitsutigut innuttaasuni meeqqat inuusuttullu pinerullugit paasissutissanik katersinikkut.

Meeqqat Illersuisuat inuiaqatigiinnut, ilaatigut angajoqqaanut, sullissisunut aammalu aalajangiisartunut taakkartortassuai atugassarititaasut artornartut aammalu meeraalluarnissaraluamut aporfissaasinnaasut, meeqqat inuusuttullu namminneq oqaasii aallaavigalugit.

Meeqqat Illersuisuat attaviitsutut annertunerpaamik sulivoq aammalu politikkikkut attaviitsuulluni. Meeqqanut aammalu inuusuttunut tunngasut aaqqittariallit taakkartorsinnaavagut, aningaasartuutissat, sulisoqarniarneq aammalu allat eqqarsaatigisassat salliuteqqaarnagit.

Meeqqanit aammalu inuusuttunit ilisimasat ataani allassimasut tunngavigalugit pilersinneqartarput:

  1. immikkut oqaloqatigiilluni
  2. immikkut ilisimasallit , meeqqat ataatsimeeqatigisarlugit pisat assigiinngitsut eqqarsaatigalugit
  3. immikkut ilisimasallit ataatsimiitillugit, meeqqat najugaanni ataatsimeeqatigitsiartarlugit
  4. ataatsimiinnerit isummersornerillu Meeqqat Isummersorfianneersut Nakuusa-meersullu peqatigalugit
  5. qarasaasiaq aqqutigalugu meeqqat akisassaat apeqqutit, sapinngisamik meeqqanik inuusuttunillu sinniisuulluarsinnaasunik aallaavilik

Oqaloqatigiinnerit aammalu ataatsimiinnerit ornigulluni imaluunniit atortorissaarutit aqqutigalugit pisinnaavoq, assersuutigalugu MIO-p nittartagaatigut allaqatigiilluni imaluunniit Skype aqqutigalugu. Meeqqat Illersuisuata ukiumut Kalaallit Nunaanni piffiit 4-6-it pilersaarusioriikkamik tikeraartassavai imaluunniit allanik piffinni siunertaqarnikkut.

Meeqqat Illersuisuata meeqqat tamaasa Kalaallit Nunaanniittut sullippai, suiaassusaat, suminngaanneerneri imaluunniit oqaasii suugaluarpataluunniit. Meeqqat inuusuttullu oqaatsit Meeqqat Illersuisuannut oqaloqatiginninnermi atorusunnerusatik atorsinnaavaat.

Sullinniakkat eqqarsaatigalugit meeqqanut tulluuttumik attaveqartarpugut, siunissaq eqqarsaatigalugu attaveqaqatigiinneq mobilit video-isigut/qarasaasiakkut oqaluttualiakkut, assitigut, titartakkatigut, ilusilersukkatigut assigisaannilluunniit isikkoqarsinnaavoq.

Meeqqanik peqataatitsineq ilutsinni avatitsinnilu meeqqat isaat aallaavigalugit pisarpoq, oqariartaaserpullu tassaavoq: ”nothing about us without us – uatsinnut tunngasut peqataatinnata pisinnaanngillat”.

Naalagaaffiit Peqatigiivisa meeqqat pisinnaatitaaffii pillugit nalunaarusiai (uani) atuarsinnaavatit

 

Nammineq pinnguaatissanut allanik siunnersuutissaqaruit tusarfigerusuppatsigit, uani mio@mio.gl