MIO pillugu - MIO.GL
MIO pillugu

Kalaallit Nunaanni meeqqat pisinnaatitaaffii pillugit sullissivik siulleq Meeqqat Illersuisuallu siulleq Aaja Chemnitz Larsen siulersuisoralugu upernaakkut 2012imi pilersinneqarpoq.

Ateq

Meeqqat pisinnaatitaaffii pillugit sullissiviup MIOp atiata tunuliaqutaatalu nassuiaataa.

Maj-ip 7-ni 2012-imi Kalaallit Nunaata Meeqqanut Illersuisuata siulliup Aaja Chemnitz Larsen-ip aalajangerpaa Meeqqat pisinnaatitaaffii pillugit sullissivik MIO-mik ateqassasoq.

Amerlasuut siullermeerlutik tusaraangamikku immaqa eqqaasassavaat Astrid Lindgren-ip atuakkiaa Mio, min Mio* (Mio, uanga Mio-ra), meeraanermi atuarsimasaq immaqaluunniit atuffatsilluni tusarsimasaq, angajoqqaanit imaluunniit atuarfimmi. Mio, uanga Mio-rami nassuiarneqarpoq meeraanermi unammilligassarisinnaasat, kisianni atuagaq toqqaannanngitsumik sullissiviup atissaanut sunneeqataaginnarpoq.

MIO tassa ima paasisariaavoq Meeqqat Inuusuttullu Oqaloqatigiinnittarfiat.

MIO-mi O aamma ima paasineqarsinnaavoq: Oqarit, Oqaluttuariuk imaluunniit Oqqiorfik (piffik illersugaaffik).

Atermik aalajangiinermi ersersinneqarpoq Meeqqat Illersuisuata meeqqat inuusuttullu soqutigisai illersortussaagai, nakkutigisussaagai aammalu iluaqutissanngorlugit suliniutigissagai.

MIO FNip Meeqqat pillugit isumaqatigiissusiaa aallaavigalugu sulivoq, pissusissamisoortumillu meeqqat inuusuttullu atugarliortut sallinngorlugit sammissavai. MIO meeqqat inuusuttullu pillugit atavoq.