MIO-p saqqummersitai - MIO.GL
MIO-p saqqummersitai

Maani MIO-p saqqummersinnikuusai nassaarisinnaavatit

Meeqqat tamarmik naleqarput – atuagaaraq

Meeqqat mikinerusut meeqqallu atuarsinnaanngitsut pisinnaatitaaffitik ilisimasariaqarpaat. Taamaammat MIO-p atuagaaraq meeqqat pisinnaatitaaffiisa suunerinik, Meeqqat Illersuisoqarneranik meeqqat pisinnaatitaaffiinik illersuisumik kiisalu qanoq isilluni attavigineqarsinnaanera pillugit imaqartoq saqqummersippaa.

Meeqqat tamarmik naleqarput

MIO-p siunnersuutai pitsaasut – quppersakkat

MIO quppersakkanik inersimasunut meeqqanullu siunnersuutitsialannik imalinnik saqqummersitsivoq. Quppersakkani ilaqutariinni ataataasup anaanaasullu najugaqatigiikkunnaareernerisa kingorna alliartorneq imminortarnermillu pinaveersaartitsineq eqqartorneqarput.

Anaana ataatalu najugaqatigiikkunnaalerpata
MIO-p Kalaallit Nunaat tamaat angalavigaa aammalu meerarpassuit inuusuttorpassuillu najugaqatigiikkunnaarsimasunik angajoqqaallit oqaloqatigigalugit. Tamanna tunngavigalugu MIO pingasunik quppersagaliorpoq. Quppersagaq siulleq meeqqanut inuusuttunullu najugaqatigiikkunnaarsimasunik angajoqqaalinnut MIO-p siunnersuutaanik imaqarpoq. Quppersakkap aappaa meeqqat meeraqatiminnut
siunnersuutaannik imaqarpoq, kingullerlu inersimasunut meeralinnut najugaqatigiikkunnaarsimasunut siunnersuutinik imaqarluni.

Meeqqanut siunnersuutit pitsaasut – Anaana ataatalu najugaqatigiikkunnaarpata ulluinnarni inuuneqalerneq

Meeqqaniit Meeqqanut siunnersuutit pitsaasut – Anaana ataatalu najugaqatigiikkunnaalerpata

Inersimasunut siunnersuutit pitsaasut – Anaana ataatalu najugaqat igiikkunnaalerpata

Imminut toquttarneq pinaveersaartinniarlugu
Quppersagaq taanna Kalaallit Nunaanni atuarfinnut ilinniagaqarfinnullu orniguttarnerit tunngavigalugit saqqummersinneqarpoq. MIO-p meeqqat inuusuttullu oqaloqatigisarnikuuai qinnuigisimallugillu meeqqat inuusuttullu imminornissaminnik eqqarsaateqartut imaluunniit nalunngisaminnik imminorsimasumik misigisaqarsimasut qanoq ikioqatigiilluta ikiorsinnaanerigut siunnersuusioqqullugit

Inuusuttuniit inuusuttunut siunnersuutit pitsaasut – Imminut toquttarneq pinaveersaartinniarlugu

”MIO-p meeqqat inuusuttullu pillugit ilisimasai – nalunaarusiat misissuinerillu 2004-2014”
2015_mio_overblik_Forside

Kalaallit Nunaanni piffissami 2004-miit 2014-imut meeqqat inuusuttullu pillugit nalunaarusiat misissuinerillu inernerisaat pingaarnerit MIO-p katersorsimavai.

Paasissutissat nalunaarusiarmut ”MIO-p meeqqat inuusuttullu pillugit ilisimasai – nalunaarusiat misissuinerillu 2004-2014”-mut katersorneqarnikuupput, nalunaarusiaq 2015-imi marsimi saqqummerpoq uanilu aaneqarsinnaalluni.


“Asannittumik”

Angajoqqaat tamarmik atuakkamik isumassarsiorfigineqarluarsinnaasumik ”Asannittumik” Pisiffimmut Pilersuisumullu akeqanngitsumik aallersinnaapput. Atuakkap angajoqqaanut eqqarsalersitsissutissanik imaqarpoq isumassarsiorfigineqarsinnaasunik, atuakkamullu suliarinnittuupput Meeqqat pisinnaatitaaffii pillugit sullissivik MIO , NAKUUSA-lu.

Atuagaq “Asannittumik”una toorlugu aaneqarsinnaavoq.


“Inuk inuuvoq”

Nalunaarusiaq ”Inuk inuuvoq” Uummannami, Ilulissani, Maniitsumi, Nuummi, Qaqortumi aamma Narsarsuarmi meeqqat ulloq unnuarlu angerlarsimaffinnut ilaqutarsianullu inissinneqarsimasut 33-it apersorneqarneri tunuliaqutaralugit pilersinneqarsimavoq. Meeqqat inissinneqarnertik, inissinneqarsimasutullu inissisimanertik qanoq misigisimanerlugu oqaluttuarput. Misissuinermi meeqqat atugarissaarnissaat qitiutinneqarpoq, kisiannili aamma meeqqat sullissivinnit peqataatinneqarsuimanerat, taassumalu ataani iliuusissamik pilersaarusiornerup suliarineqarnerani ilaquttaminnut attaveqarnerat, siunissarlu pillugu eqqarsaataannik aammalu pisariaqartitsinerminni ikiorneqarsimanerat isiginiarneqarluni.
Misissuinerup, meeqqanut suliniuteqartoqarneranut atatillugu misigisaasa, inatsisit malillugit suliaqarnerup qanoq ataqatigiinngitsiginerat takutippaa. Meeqqat peqataatinneqarnissaat aamma iliuusissamut pilersaarusiornerup pingaarnersiuinermi qaffasissumik inissisimanissaat pisariaqartinneqarpoq. Taamaalilluni ikiuiniarluni iliuutsinut tunngatillugu pilersaarusiornermi, siunissaq pillugu meeqqat peroriartorneranni ilaqutariinnut attaveqarneq atajuarnerlu pilersinneqassammata. Misissuineq saniatigullu meeqqat inuusuttullu pillugit isumaginninnermi suliaqarnermi atugassarititaasut tunuliaqutaralugit, meeqqat eqqugaasinnaasut pillugit sukkanerusumik isumaginninnikkullu piukkunnassuseqartumik suliniuteqartoqarsinnaaniassammat, MIO-p maluginiaqquaa  iliuusissamut periarfissanik aammalu meeqqanut inuusuttunullu immikkoortortani pisortatigut sullissisunik amerlanerusunik pisariaqartitsisoqarnera.

Internetikkut uani atuaruk.

PDF-itut uani aaguk.

“Inatsimmiit suliarineranut” 

fra-lov-til-praksis

MIO-p maajimi 2014-imi mississuineq “Inatsimmiit suliarineranut” saqqummersippaat. Ilaatigut inatsisip piviusunngorluni atuutitilersinnaanera, massakkut sullissineq meeqqamut pitsaanerpaajunersoq, aammalu meeqqap inatsisit malillugu naalaanneqartarnersoq qitiutinneqarput.

Misissuineq una toorlugu aaneqarsinnaavoq.


“Meeraq kinaluunniit piitsuutitaalluni peroriartussanngilaq”

MIO-p Statens Institut for Folkesundhed aammalu Kalaallit Nunaanni Naatsorsueqqissaartarfik suleqatigalugit nalunaarusiaq “Meeraq Kinaluunniit piitsuutitaalluni peroriartussanngilaq” saqqummersinnikuuaat.

Nalunaarusiaq  una toorlugu aaneqarsinnaavoq.


MIO-p meeqqat pisinnaatitaaffii pillugit plakaatia “Pisinnaatitaaffikka”

MIO meeqqat pisinnaatitaaffii pillugit plakatiliortitsinikuupput, meeqqat nammineq pisinnaatitaaffitik ilisarineruniassagamikkit.

MIO-p plakatia Pisinnaatitaaffikka


“Meeqqat pisinnaatitaaffii ilinniartitsissutigisigit”

Ilinniartitsissutit ukut sammisanik, sungiusaatinik sakkussanillu imaqarput, illit ilinniartitsisutut makkununnga atorsinnaasannik:

  • Meeqqat pisinnaatitaaffiisa ilinniartitsissutiginissaannut pilersaarusiorninnut
  • Qanoq iliorlutit atuartuutivit pisinnaatitaaffiinik ataqqinnittunik tapersiisunillu ilikkariartorfiusunik avatangiisinik pilersitsisinnaanerpit eqqarsaatersuutigineranut pilersaarusiorneranullu
  • Atuartut siunnersuisoqatigiivisa angajoqqaanillu akuutitsinerup nukittorsaaviginerannut.

Atortut nukarlernut akullernullu sammititaapput.

“Meeqqat pisinnaatitaaffii ilinniartitsissutigisigit” uani aaneqarsinnaavoq.