Pilersaarusiukkamik suliniutissat - MIO.GL
Pilersaarusiukkamik suliniutissat

Meeqqat Illersuisuat ukiut pingasukkaartumik pilersaarusiukkamik suliniutissani pilersaarusiarisarpai, suliniutiginiakkallu Meeqqat Siunnersuisooqatigiivi peqatigalugit suliarineqartarpoq aammalu pingaarnersiuineq aalajangerneqartarluni. Qaffasinnerusumik anguniagassat tassaapput Peqataatitsineq, Illersuineq aammalu Ineriartorneq arfinilinnik appasinnerusunik immikkoortortaqartoq. Suliniutissat arfinillit meeqqanit aammalu inuusuttunit misissuinermi Ingerlataq Meeqqat Oqalliffiannik taaguuserneqarsimasuminngaanneerput, MIPI-mit 2011-mi suliarineqarsimasumiit.

Pilersaarusiukkamik suliniutissat tamarmik uani qimerluualaarneqarsinnaapput.

Pilersaarusiukkamik suliniutissat FN-ip meeqqat pillugit isumaqatigiissusiaata aammalu meeqqat inuusuttullu inuuniarnermikkut atugarisaat pillugit ilisimasat pioreersut aallaavigalugit, imminnut sutigut naapertuutinnginnerisa misissornerisigut nassaarineqarput. Ilanngullugu pilersaarusiukkamik suliniutit toqqarneqarput, Kalaallit Nunaata FN-ip MPIsumaqatigiissusiaata FN-ip Meeqqat pisinnaatitaaffii pillugit ataatsimiititaliaanit atuutsitsilernermi inerniliutitut oqaaseqaatit misissuataareernerini.

Ukiut pingasut pilersaarusiukkamik suliniutit saniatigut ukiukkaartumik anguniagaqartoqartassaaq. 2012-13-mut sammineqassaaq Meeqqanik illersuineq, 2014-15-mut Ineriartorneq sammineqassalluni. Peqataatitsineq naliginnaasumik anguniakkani ilaassaaq, piffissamilu tamarmi ilaatinneqassalluni.

Pilersaarusiukkamik suliniutit periarfissiissapput pisariaqartitsinerpaat ikiornissaannut nalimmassaatitut. Taamaalilluta suliniutigut anguniagassaqarnerulissapput aammalu annertunerpaamik sunniuteqassallutik.

Suleriuseq taama ittoq iliuuseqarnermik takutitsissaaq aammalu sutigut tamatigut allornermik ataatsimik siulliutitsilluni, suliassat tulliit pilersaarusiornissaannut iluaqutaasinnaasumik.

Suliniuteqarfiit pingaarnersiorlugit tulleriiaarnerisa pilersaarusiorneqarnerat Pilersaarisiukkamik suliniutissat.