MIO-p ilisarnaataa

contactimg

MIO juuni-p aallaqqaataaniit 22-ianut 2012 ilisarnaatissamik unammisitsivoq, meeqqat inuusuttullu arfinillit 18-illu akornanni ukiullit peqataaffigisinnaasaannik.

Ilisarnaat atorneqartussaq assigiinngitsunik imaqarpoq, ilivitsukaatut imaluunniit immikkoortukkaarlugu atorneqarsinnaasoq. Qilaat, ileqqutoqqani aaqqiagiinnginnernik aaqqiiniarnermi oqaatigiuminnaatsullu oqaatiginiarneranni atorneqartarsimanera pillugu ilisarnaatitut toqqarneqarpoq. Qilaat ileqqutoqqanik inuiaqatigiissutsimillu oqariartuuteqarpoq, grafikkimut, piaaralugu moderniusumik ilusilerneqarsimasumut, akerliusutut isikkoqarluni.

Qilaatip iluani meeqqat takuneqarsinnaapput, taakku assigiinngisitaartuunermut aamma ataatsimoornermut ilisarnaataapput. Qalipaatilersorneqarnera arnat kalaallit kalaallisuuinit qalipaatigissaartunit isumassarsiaavoq, qilaammut angutinut ilisarnaataasumut akerliusutut illuni. Qilaat atorlugu meerarpassuit oqaatigiuminaatsut oqaatigisinnaavaat inuiaqatigiinnilu nipertik nakussassarlugu.

Ilisarnaatip ileqqutoqqat moderniusullu, anguterpalaartut aamma arnaarpalaartut aammalu inuiaqatigiissuseq aamma nunanut assigiinngitsunut akuuneq ataatsimoorullugit assersuusiorpai.

Ateq MIO Meeqqat Illersuisuat siulliup alajangiussaraa.

MIO tassa ima paasisariaavoq Meeqqat Inuusuttullu Oqaloqatiginnittarfiat, MIO-mi O aamma ima paasineqarsinnaavoq: Oqarit, Oqaluttuariuk imaluunniit Oqqiorfik (piffik illersugaaffik).

Amerlasuut siullermeerlutik tusaraangamikku immaqa eqqaasassavaat Astrid Lindgren-ip atuakkiaa Mio, min Mio* (Mio, uanga Mio-ra), meeraanermi atuarsimasaq immaqaluunniit atuffatsilluni tusarsimasaq, angajoqqaanit imaluunniit atuarfimmi. Mio, uanga Mio-rami nassuiarneqarpoq meeraanermi unammilligassarisinnaasat, kisianni atuagaq toqqaannanngitsumik sullissiviup atissaanut sunneeqataaginnarpoq.

Ulluinnarni taaguutigaa ”MIO”, innersuusutigisarpaalli Meeqqat Pisinnaattitaaffiinut Sullissivik.

  • Meeqqat pisinnaatitaaffii ilisimavigit?Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

  • Meeqqat pisinnaatitaaffii ilisimavigit?Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

  • Meeqqat pisinnaatitaaffii nalunngiligit?Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

  • Meeqqat pisinnaatitaaffii ilisimavigit?Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

  • Meeqqat pisinnaatitaaffii ilisimavigit?Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

  • Meeqqat pisinnaatitaaffii ilisimavigit?Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

  • Meeqqat pisinnaatitaaffii ilisimavigit?Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

  • Meeqqat pisinnaatitaaffii ilisimavigit?Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

  • Meeqqat pisinnaatitaaffii ilisimavigit?Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?