MIO-p meeqqanut isiginnittariaasaa

– Meeqqat tamarmik naleqarput

MIO meeqqanut isiginnittariaaseq suliarisimavaa meeqqat inuusuttullu pillugit sulineq qitiutillugu. MIO’p upperaa:

 

Inuppalaarneq

MIO-mi inuk inuttut salliutitaraarput. Taamaammat inoqatigut – meeqqat, inuusuttut inersimasullu – inuttut isumassuillutalu naapittarpagut.
Suliassagut maniguulluta suliarisarpagut meeqqallu namminneq tunngavigisaat malillugit naapittarlugit.

 

Meeqqat tamarmik asseqaratik immikkuullarissuusut MIO-mi ilisimavarput

Meeqqat tamarmik asseqaratik immikkuullarissuupput, qanoq ittuunertik pigiinnassallugu pisinnaatitaaffigaat.
MIO-mi inuit tamaasa assut ataqqivagut, meeqqallu tamaasa assigiimmik naleqartutut isigalugit. Meeqqat inissisimanerat paasisaqarfigerusuttarparput ataasiakkaanullu naleqqussartarluta; taamatuttaaq najugarisaannut aamma naleqqussarniartarpugut.

 

Meeraaneq qanoq ittuunersoq meeqqat nalunnginneruaat

MIO-mi sulinitsinni meeqqat namminneq misigisaat tunngavigisarpagut. Meeqqat sinnerlugit oqaaseqartarpugut, meeqqallu peqataatinneqartarnerat sulinitsinni pingaaruteqartumik tunngavigineqassasoq isumaqarluta.
Periutsit assigiinngitsut atortarpagut, atortussallu tigussaasut atorlugit meeqqat inissisimaviini naapinnissaat anguniartarlugu.
Meeqqat meeraapput, inissisimaffigisaallu tunngavigalugit naapinneqassallutik.

 

Meeqqat isumaat inersimasut isumaattulli pingaaruteqartigaat

Meeqqat inerisimassusiat apeqqutaatinnagu isumaat inersimasut isumaattulli pingaaruteqartigaat. Meeqqat namminneq killigititaat, pisariaqartitaat misigissusaallu ataqqivagut. Meeqqat oqariartuutaat pissusilersornerat isumaallu kikkut tamarmik ataqqissavaat.

 

Meeqqat pillugit suleriaaserput

Meeqqat inuusuttullu inuunerminni tunngavissaqarnissaat MIO-mi kissaatigaarput. Meeqqanut aqqutissiuisuunissarput, ilitsersuisuunissarput nassuiaassisuunissarpullu kissaatigaarput.
Tatiginassuseqarluta naleqartitatta pitsaassusaat illersorlugu ataqqeqatigiillutalu sulivugut, meeqqallu namminneq killigititaat ataqqillugit. Suliatsinnik ilisimaarinnilluta suleriaaseqarpugut meeqqallu inuppalaarluta naapittarlugit. 

 

Asseq tooruk plakaatiuterput takorusukkukku:

 

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?