Naalagaaffiit Peqatigiit Ataatsimiititaliaat pillugu

Meeqqap pisinnaatitaaffii pillugit Naalagaaffiit Peqatigiit Ataatsimiititaliaat

Nunat arlallit Naalagaaffiit Peqatigiit Meeqqat pillugit Isumaqatigiissutaat atuuttussanngortinnikkuaat. Kalaallit Nunaata Meeqqat pillugit Isumaqatigiissut 1993-imi atuuttussanngortippaa.Tamatuma kinguneraa Kalaallit Nunaat imminut pisussaatimmat isumaqatigiissummi artikelit maleruarnissaannut, taakkualu piviusunngortinnissaannut.

Meeqqap pisinnaatitaaffii pillugit Naalagaaffiit Peqatigiit Ataatsimiititaliornikuupput (Meeqqat pillugit ataatsimiititaliaq), taassumalu nalilertarpaa nunat Meeqqat pillugit Isumaqatigiissuummik maleruaanersut. Meeqqat pillugit Ataatsimiititaliaq 18-inik ilaasortaqarpoq, Meeqqat pillugit Isumaqatigiissummut aamma meeqqanut inuusuttunullu tunngasut iluanni immikkut ilisimasaqartunik.

Ukiut tallimakkaarlugit Naalagaaffeqatigiiffik, tamatumani Kalaallit Nunaat ilanngullugu, Meeqqat pillugit Ataatsimiititaliamut nalunaarusiortarpoq, Naalagaaffeqatigiiffiup iluani meeqqanut naleqqiullugu pissutsit qanoq-innerat nalunaarusiaralugu. Meeqqat atugaasa nalunaarusiarinerisa malitsigisaanik Meeqqat pillugit Ataatsimiititaliaq nalilersuilluni apersuisarpoq, tamatumanilu Naalagaaffeqatigiffiup iluani nunat, nalunaarusiamut tunngatillugu apeqqutit itisisilernissaanut periarfissaqartarput.

Namminersorlutik Oqartussat namminneerlutik nalunaarusiortarput. Nalunaarusiaq tamanna kattuffiit peqatigiiffiillu naalakkersuisut ataanniittuunngitsut (NGO-t) aamma Meeqqat pisinnaatitaaffiinik Sullisiviit MIO-tut ittut itisileriffigisinnaavaat. Maani Nammimnersorlutik Oqartussat nalunaarusiai aamma MIO-p tamatumunnga atatillugu itisilerilluni nalunaarusiaa, kiisalu Meeqqat pillugit Ataatsimiititaliap Naalagaaffeqatigiiffimmut, tamatumani ilanngullugu Namminersorlutik Oqartussanut, inassuteqaatai atuarsinnaavatit.

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?