MIO-p mianersoqqussutigaa meeqqat atuarfiata qanoq ingerlanera pillugu sukumiisumik nalilersuisoqartinnagu meeqqat atuarfiat pillugu aaqqissuusseqqinneq nutaaq akuersissutigineqassanngitsoq.

Siunnersuummik akuersisoqannginnerani inatsisissatut siunnersuutip meeqqat ilinniarnerannut, atugarissaarnissaannut siunissamilu ilinniagaqarnissamut periarfissaannut qanoq sunniuteqassanersoq misissorneqaqqaartariaqarpoq. Meeqqallu namminneq isummaminnik oqaatiginnissinnaanissaat qulakkeerneqartariaqarpoq.

MIO-p tamanna Naalakkersuisut Inatsisartullu ilaasortaanut allakkami ammasumi oqaatigaa, meeqqat atuarfiat pillugu inatsisissatut siunnersuut marlunngornermi 6. oktober aappassaanik suliarineqartussanngormat.

MIO-p allakkani ammasuni inatsisissatut siunnersuut pillugu oqaaseqaatini ilanngullugit nassiuppai:

MIO-p immikkoortoq 35 pillugu oqaaseqaatai: Meeqqat atuarfiat pillugu inatsimmut allannguutissatut siunnersuut

Meeqqat ataaseriaannarlutik atuartuusussaapput