Naalakkersuisut siunnersuutigaat kalaallit innuttaasut FN-ip Meeqqanut Ataatsimiititaliaanut meeqqat pisinnaatitaaffiinik unioqqutitsinerit pillugit naammagittaalliuuteqarnissaminnut periarfissinneqassasut. Meeqqat pillugit oqaaseqartartup Stina Sværdip Inatsisartuni ilaasortat tamarmik siunnersuummut taaseqqullugit kaammattorpai. Kisianni erseqqissarpaa, nunatta meerartaanut inuusuttuaqqanullu inatsisitigut isumannaatsuunerulernissamut aqqutissami aatsaat siullersaalluni.
Kalaallit meerartaat inersimasullu FN-ip Meeqqat pillugit Ataatsimiititaliaanut naammagittaalliuuteqarnissamut periarfissaqartariaqarput, FN-ip Meeqqat pillugit Isumaqatigiissutaa (Meeqqat Pisinnaatitaaffii pillugit Isumaqatigiissut) unioqqutinneqarsimasoq isumaqarpata.
Taamatut Naalakkersuisut naliliipput, 7. oktober Kalaallit Nunaata “Meeqqat Pisinnaatitaaffii pillugit Isumaqatigiissummut toqqagassaq 19. december 2011-meersoq” ilanngunneqarnissaanik Inatsisartunut siunnersuummik saqqummiussiniarlutik.
Meeqqat pisinnaatitaaffiinik unioqqutitsisoqarsinnaanera pillugu innuttaasut FN-ip Meeqqanut Ataatsimiititaliaanut naammagittaalliuuteqarnissaminnut periarfissaqalissapput. Ataatsimiititaliaq aamma periarfissaqassaaq misissuinissamut, Meeqqat Pisinnaatitaaffii pillugit Isumaqatigiissummik annertuumik imaluunniit aaqqissuussamik unioqqutitsisoqarnersoq.
Meeqqat pillugit oqaaseqartartup Stina Sværdip nuannaarutigaa Naalakkersuisut taamatut siunnersuuteqarnissaq toqqarsimammassuk.
“Nunat tamalaat akornanni naammagittaalliuuteqartarnermut systemimut isersinnaaneq nunani tamalaani naammagittaalliuuteqarnissamut periarfissanut pingaaruteqarpoq. Meeqqatsinnut inatsisitigut qularnaveeqqusiinissamut pingaaruteqarluinnartumik iliuuseqarpoq. Aammalu FN-imut nunarsuarmioqatigiinnullu ersarissumik takussutissaavoq Kalaallit Nunaata nunat tamalaat akornanni pisussaaffimminik malinninnera – aammalu meeqqat pisinnaatitaaffii inatsisitigullu qularnaveeqquserneq meeqqanut tunngasut pingaartilluinnarlugit.”
Taamaattumik Inatsisartuni ilaasortat tamarmik Kalaallit Nunaata protokollimut toqqagassaasumut akuerineqarnissaanut qinerseqqullugit kaammattorpai.
Meeqqat Illersuisuata erseqqissarpaa tamanna aatsaat nunatta meerartaanut inuusuttuaqqanullu inatsisitigut isumannaatsuunerulernissamut aqqutissami alloriarnertut siullersaasoq.
“FN-ip meeqqat pillugit ataatsimiititaliaanut naammagittaalliortoqarsinnaanngilaq nuna tamakkerlugu naammagittaalliuutit tamaasa naammassineqareerpata. Kisianni Kalaallit Nunaanni ullumikkut meeqqanut naammagittaalliortarfeqanngilaq – tamannalu meeqqanut pisinnaatitaaffitik unioqqutinneqarpata oqartussat qanoq pineqarnerat pillugu naammagittaalliornissaannut ajornakusoortitsivoq. Naammagittaalliuutit pioreersut Thaviga have very difficult for the.” siunnersuutigaa MIO-p ataani meeqqanut immikkut ittumik naammagittaalliuuteqartarfimmik pilersitsisoqassasoq, taamaalillunilu meeqqanut inatsisilerituut atorfeqalertussamik’ Stina Sværd nassuiaavoq.
MIO meeqqat pillugit suliani aalajangiisinnaassanngilaq, kisianni oqartussanut susassaqartunut innersuussuteqarsinnaassalluni.
Naalakkersuisut naalakkersuisooqatigiinnissamut isumaqatigiissumminni allapput, MIO-p aaqqissuussaaneranik nutarterinikkut meeqqanut taamatut naammagittaalliorsinnaanermik pilersitsinissaq siunertaralugu.
“Naalakkersuisooqatigiinnermut isumaqatigiissummi meeqqat naammagittaalliuutaannik MIO-mi pissarsisinnaanissaq pillugu Naalakkersuisut suleqatigalugit neriorsuutigineqartup eqquutsinneqarnissaa qilanaaraarput. Protokollimut toqqagassaasumut ilanngunneq peqatigalugu tamanna Kalaallit Nunaanni meeqqanut tamanut inatsisitigut isumannaallisaanermik annertuumik nukittorsaassaaq”, Stina Sværd naggasiivoq.