”Meeqqat pillugit oqaaseqartartutut nersualaarpara Naalakkersuisut maannakkut uppernarsaatinik tunngaveqartumik imigassamut periusissiamut politikkikkut oqallinnissamut Inatsisartuni saqqummiussinerat. Politikerit maanna allanngortitsinissamut oqaluttuarisaanitsinni periarfissaqarput,”.
Taamatut oqarpoq meeqqat pillugit oqaaseqartartoq Stina Sværd ulloq 2. oktober 2025 tusagassiortunik katersortitsinermi oqaaseqarluni, tassani Naalakkersuisoq Anna Wangenheim aamma Naalakkersuisoq Mads Pedersen Naalakkersuisut politikkikkut siammasissumik imigassamik aaqqiissuteqarnissamik kissaateqarnerannik saqqummiussineranni.
”Politikerit kaammattorpakka siunertaqarluarlutik, anguniagaqarlutik, naammattumik aningaasartuuteqarlutik aammalu meeqqat pisinnaatitaaffii aallaavigalugit iliuuseqarnissaat. Imigassamut politikki nutaaq atortussaavoq pingaaruteqartoq, qulakkeerlugu Kalaallit Nunatsinni meeqqat tamarmik siunissami isumannaatsumik, peqqinnartumillu peroriartortinneqarnissaat”, meeqqat oqaaseqartartuat ilassusiivoq.
Tamanna erseqqissarpaa politikkikkut iliuuseqarnissaq pisariaqartoq aammalu piaartumik:
”Meeqqat utaqqisinnaajunnaarput FN-ip Meeqqat Pisinnaatitaaffii pillugit Isumaqatigiissutaa naapertorlugu meeqqat tamarmik illersorneqarnissaminnut, peqqinnissaminnut, isumannaatsuunissaminnut ineriartornissaminnullu pisinnaatitaaffeqarput – pisinnaatitaaffiit Kalaallit Nunaanni inersimasut imigassamik atornerluisarnerannit amerlanertigut unioqqutinneqartartut periarfissaq iliuuseqarnissamut aamma Kalaallit Nunaanni meeqqat tunngaviusumik pisinnaatitaaffitik naapertorlugit isumannaatsumik, peqqinnartumillu peroriartortinneqarnissaat qulakkeerlugu,” erseqqissaavoq Stina Sværd.
Meeqqat pisinnaatitaaffii
Meeqqat pillugit oqaaseqartartup eqqaavaa pisinnaatitaaffiit FN-ip Meeqqat pillugit Isumaqatigiissutaani sananeqarsimasut, Kalaallit Nunaata malinniarlugit pisussaaffigisisaai:
- Illersorneqarnissamut pisinnaatitaaffik
FN-ip Meeqqat Pisinnaatitaaffii pillugit Isumaqatigiissutaa naapertorlugu meeqqat tamarmik toqqissisimasumik peroriartornissaminnut pisinnaatitaaffeqarput, nakuuserfigineqanngitsumi sumiginnagaaffiunngitsumilu. Imigassartortarnerup pisinnaatitaaffiit pineqartut ulorianartorsiortippai aammalu meeqqat inuunerminni atugaat malunnartumik annikillisarlugit.
- Peqqissutsimut isumannaallisaanermullu pisinnaatitaaffik
Ilaqutariinni imigassamik atornerluineq meeqqat timikkut tarnikkullu peqqissusaannut annertuumik kingunerlutsitsisarpoq. Politikki imigassartorsinnaanermik killilersuisoq tassaavoq meeqqat atugarissaarnissaannut aningaasaliineq.
Ineriartornissamut aamma naligiimmik periarfissaqarnissamut pisinnaatitaaffik
- Meeqqat angerlarsimaffinni imigassartorfiusuni atuarfimmi angusaqarluarnissaminnut aamma inuiaqatigiinni ineriartornissaminnut periarfissaat pitsaanerusarput. Imigassamut politikki nutaaq inuiaqatigiinni pissutsit unitsinnissaannut iluaqutaasinnaavoq aammalu naligiisitaanermik pilersitsisinnaalluni.
- Meeqqat oqaasii tusarneqartariaqarput
Meeqqat inuusuttullu peqataatinneqartussaapput politikki suliarineqarpat nalilersorneqarpallu. Misilittagaat pingaaruteqarluinnarput aaqqiissutissanik sunniuteqarluartunik pilersitsinermi.
Innersuussutit
Meeqqat pillugit oqaaseqartartup innersuussutit uku suliarivai:
- Inatsisartut imigassamut politikkeqalertariaqarput ersarissumik meeqqat pisinnaatitaaffiinik illersorneqarnissaannillu pingaartitsisumik.
- Pitsaaliuinermut, siunnersuinermut, nakorsaatinut aamma tapersersuinermut pisuussutit immikkoortinneqartariaqarmata.
- Suliniutit malinnaavigineqartariaqarput meeqqat atugaannik immikkut qanoq pitsanngorsaatiginersut nakkutigineqarlutik.
- Meeqqat inuusuttullu politikkip suliarineqarnerani nalilersorneqarneranilu systematiskimik peqataatinneqartassapput