Kalaallit Nunaanni pissutsit pillugit meeqqat inuusuttullu 18-it inorlugit ukiullit apersornaveersaarsigit
MIO – Meeqqat Pisinnaatitaaffiinut Sullissiviup Meeqqallu oqaaseqartartuata, Stina Sværdip, paasisimavaa tusagassiortut / tusagassiorfiillu arlallit meeqqanut inuusuttunullu – inuit tamarmik ornittagaanni namminerisaminnillu attaveqaqatigiittarfiini – attavigineqartarsimasut. Attaviginninnermi pissutsit massakkut pisut, tassani amerikami naalakkersuisut Kalaallit Nunaannik pisiarinninniarnerat allatigulluunniit tiguaaniarnerat, pillugit apersuerusuttarput.
Kalaallit Nunaanni pissutsit meeqqanut inuusuttunullu ernumanartuusinnaanera ilisimaqquarput.
Taamaattumik pissutsit massakkut pisut pillugit saaffiginnissutsissi apeqqutissilu meeqqanut ernumanarnerulersitsisinnaasut – taamaattumillu annilaanganissamut ernummateqarnissamullu, pigereersinnaasaannut ikummassaataasinnaasumik kinguneqarsinnaaneri pillugit ataqqinnittariaqarpusi mianerinnittariaqarlusilu.
Taassumalu saniatigut meeraq inuusuttorluunniit pisut pillugit oqaaseqartoq aalajangersimasumik isiginnilernermut pilersitsisinnaavoq kingunerluuteqarsinnaallunilu.
Taamaattumik kaammattuutigaarput meeqqat inuusuttullu filmiliornaveersaassagisi, attaviginaveersaassagisi apersornaveersaassagisilu.
Taamaakkaluartoq meeraq inuusuttorluunniit 18-it inorlugit ukiulik filmiliorniarlugu apersorniarluguluunniit aalajangerussi naqissusissavarput tamanna aatsaat pisinnaammat meeqqat angajoqqaavi, akisussaasui meeqqallu nammineq akuersineratigut. Taakkualu saniatigut angajoqqaat meeqqallu paasitissavasi apersorneqarnera sumi qaqugulu takutinneqassanersoq. Aammattaaq meeraq, angajoqqaat akisussaasullumi qaqugukkulluunniit akuersissutip utertinnissaannut apersorneqarnerminniillu tunuarterneqarsinnaanissaannut pisinnaatitaaffeqarneri ataqqissavasi.
Taakkua saniatigut Kommuneqarfik Sermersuup malittarisassiaa ”Guidelines for international journalists visiting Kommuneqarfik Sermersooq” tusagassiutinit malinneqarnissaa kaammattuutigaarput. Tassani allassimavoq:
“Protection of children
Children must be kept out of journalistic coverage. In Greenland, it is strictly prohibited to photograph or film children without prior parental consent. Regardless of consent, the Mayor strongly believes that children should not be involved when journalists visit the country.
As a matter of current policy, permission is not granted for filming or photographing in schools or childcare institutions.”
Inussiarnersumik
Stina Sværd, Meeqqat oqaaseqartartuat
Paasissutissat sukumiinerusut:
Attaveqaqatigiinnermut siunnersorti, Mette Schmidt, tlf. 00299 291896, mtsh@mio.gl