Meeqqat Ulluanni Meeqqat Oqaaseqartartuata oqaaseqaataa: ”Inatsisartut upernaakkut ataatsimiinneranni meeqqat pillugit oqallinnerup annikinnera ernumanarpoq.”
Meeqqat Ulluannut atatillugu Meeqqat Oqaaseqartartuata, Aviâja Egede Lyngep, Inatsisartut upernaakkut ataatsimiinnerminni meeqqat pillugit pingaarnersiuinnginnerat ernumanartillugu oqaatigaa. Tassungalu peqqutaavoq oqaluuserisassani meeqqanut attuumassusillit marluk peerneqarsimammata. Inatsisartut upernaakkut ataatsimiinneranni meeqqat pillugit oqaluuserisassat marluk peerneqarsimasut tamanut saqqummiunneqarpoq. Tamannalu Meeqqat Oqaaseqartartuanut, Aviâja Egede Lyngemut, ernumatitsivoq, oqaatigaalu politikkitigut meeqqat salliunneqannginnerat isornartorsiugassaasoq akuerineqarsinnaanngitsorlu. ”Politikkitigut sulinermut atatillugu inatsisiliornermi meeqqat inuusuttullu salliunneqannginneri … Continued