Nuna tamakkerlugu siunnersuisartut - MIO.GL
Nuna tamakkerlugu siunnersuisartut

Oqariartuut ersarissoq www.mio.gl -imi

Meeqqat inuusuttullu nunatsinnit tamaneersut , kinaassusertik paasitinnginngikkaluarlugu www.mio.gl aqqutigalugu ajornartorsiutitik pillugit allassinnaapput. Taava ullut marluk pingasulluunniit ingerlanerini siunnersorneqarlutillu akineqarumaarput. Apeqqutit akissutillu nittartakkatsinnut ikkunneqarumaarput kinaassusaat ersitsinnagu, taamaalillutik meeqqat inuusuttullu allat aamma taamatut assingusumilluunniit ajornartorsiutillit akissutisisinnaaniassammata.

 

1899 – SMS-ikkut saaffiginnittarfik

Ammasarfii: ataasinngornermiit tallimanngornermut 16-18

Nuna tamakkerlugu meeqqat inuusuttuaqqallu akeqanngitsumik SMS-ikkut saaffissaat – inersimasumik siunnersuisinnaasumik allaqateqarit.

 

Qitiusumik Peruluttunik Upalungaarsimaffik

Isumaginninnermut Naalakkersuisoqarfimmut saaffiginninnermi Maline Lyberth-imut, tlf.nr. 34 66 33-imut sianerluni, pissarsiarineqarsinnaavoq. Emailerivaa: maly@nanoq.gl . Kommunemut saaffiginnissutaasimasut upalungaarsimanermut piareersaammik suliarininnissamik ilusiliitinnani suleqatigiit naliliisinneqartarput aallartitassallu ikiuisussat toqqarneqaqqaartarlutik.

 

Dronning Ingrid-ip Napparsimaveqarfiata Siunnersuisoqarfiata Immikkoortortaqarfia/SANA A1

Immikkut tarnip pissusianik meeqqanillu immikkut sammisalik. Immikkut tarnip pissusianik inuusuttuaqqanillu ilisimasalik, tlf.nr.: 34 40 00.

 

Katsorsaavik

Imigassamik atornerluinermut katsorsaaneq, ilaqutaasunik katsorsaaneq aamma katsorsaaqqinnerit.

Katsorsaavik, Aqqusinersuaq 20, 3900 Nuuk, Telefon:  32 68 11 , email: info@kanu.gl.

 

Perorsaanikkut tarnikkullu siunnersuisarfiup allaffeqarfii (PPR)

Tassani immikkut tarnip pissusiinik ilisimasalinnik, kiisalu immikkut atuartitsinermi siunnersuisunik atorfilinnik peqarpoq malinnaasartunik, misissuisartunik siunnersuisartunillu meeqqat ataasiakkaat pillugit atuarfiit suleqatiginerisigut.

Saaffik

Nuna tamakkerlugu Meeqqat Inuusuttullu kinguaassiutitigut innarlerneqarsimasut sullissiviat.

Niels Hammekensvej 41, Postboks 1755, 3900 Nuuk.

Oqarasuaat: 346011, 346012 imal. 346013.

 

Isumaginninnermut immikkoortortaqarfiit

Inunnik isumaginnittoqarfiit kommunini pisussaaffigaat, kommunini isumaginninnermut ataatsimiititaliaq meeqqat kommunimi najugaqartut angajoqqaavi perorsaanikkut paaqqutarinninnikkullu tapersersussallugit.

Isumaginninnermut ataatsimiititaliap meeqqat inuusuttullu inuunerminni atugarisaat malinnaaffigissavai, taamaaliornikkut meeqqanik inuusuttunillu immikkut ittumik ikiorsigassaqalersillugu sapinngisamik piaartumik iliuuseqarsinnaanissaq anguniarlugu.

Inuk kinaluunniit pissutsinik isumaginninnermut ataatsimiititaliamit akuliuffigisariaqarsorinartunik ilisimasaqalersoq ataatsimiititaliamut nalunaaruteqarnissaminut pisussaatitaavoq.