MIO-mut saaffiginnissutit
MIO-mut suut saaffiginnissutigisinnaavigit?
Meeqqaniit inuusuttuaqqaniillu saaffiginnissutit tamaasa MIO-p tigusarpai, inersimasuniilli saaffiginnissutit MIO-mit tamatigut ikiorserneqarsinnaanngillat.
Ullut tamaasa MIO-mi Nunarput tamakkerlugu innuttaasuniit, meeqqaniit inersimasuniillu, saaffiginnissuterpassuit tigusarpagut. Amerlanertigut innuttat inersimasut saaffiginniffissamut ikiuusinnasunut MIO-p innersuuttarpai saaffiginneqqullugit.
MIO-miit una atuagassaq innuttaasunut sanavarput asuliinnaq MIO-mut saaffiginnittoqannginiassammat, periarfissaallunilu siullermeerluni ikiortissamik ujaasinermi eqqortumik ikiuuttussanut innersuunneqarnissaamik.
Kina MIO-mut saaffiginnissinnaava?
Meeqqat pisinnaatitaaffii pillugit MIO sullissiviuvoq, meeqqat pisinnaatitaaffii meeqqallu maalaarutaat pillugit siunnersuillunilu ilitsersuussisinnaasoq. MIO-p meeqqat, inersimasut inuinnaat pisortanilu sulisut, namminersortut pisortallu suliffiutaat peqatigiiffiit kattuffiillu ilanngullugit siunnersorsinnaavai ilitsersuullugillu.
Naalagaaffiit Peqatigiit Meeqqat Pisinnaatitaaffii pillugit Isumaqatigiissutaa (Meeqqat pillugit isumaqatigiissut) aammalu Nunatsinni inatsisit atuuttut aallaavigalugit MIO suliaqarpoq.
Mio-p siunnersuutit tunniuttagai suuppat?
Meeqqat atugarisaat pillugit meeqqallu pisinnaatitaaffi kisiisa MIO-p Meeqqallu Illersuisuata oqaaseqarfigisinnaavaat. Tamanna isumaqarpoq MIO Meeqqallu Illersuisuat meeqqanut tunngasut suliat aalajangiiffigisinnaanngilaat, kommunimi sullissisutuulli meeqqanut ataasiakkaanut suliat iserfigisinnaanngilaat.
MIO-p allattoqarfia ukiup nutaap aallartinnissaanut ajoraluartumik saaffiginnissutinut matoqqavoq.
Suliassaqarpallaarneq peqqutaalluni ajoraluartumik saaffiginninnissaq januaarip aallaqqaataanut 2020-p tungaanut periarfissaanngilaq.
Piffissami tassani allattoqarfimmiit siunnersorneqarnissaq periarfissaassanngilaq.
Oqaloqateqarnissamik pisariaqartitsiguit Tusaannga tlf. 801180 imal. SMS 1899 saaffigisinnaavat.
Ikiortiffissat allat uani takusinnaavatit: http://mio.gl/meeqqanut-inuusuttunullu/uani-ikiorneqarsinnaavutit/