Meeqqat inuusuttullu pillugit

301312

Kalaallit Nunaanni meeqqat inuusuttullu tarnikkut ikiorserneqarnissamut periarfissaat

Nunatta meeqqat pisinnaatitaaffiinut sullissiviata, MIO-p, VIVE qinnuigaa meeqqanut inuusut- tunullu tarnikkut atugarliortunut kommunini pitsaaliuilluni suliniutit qulaajaavigeqqullugit, Naala- gaaffiit Peqatigiit Meeqqat pillugit Isumaqatigiissutaa aallaavigalugu.

Nalunaarusiap meeqqanut inuusuttunullu tarnikkut atugarliortunut suliniutit assersuusiorpai. Nalunaarusiami inatsisit suliniutinut tunngaviusut allaaseri- neqarput, suliniutillu ulluinnarni qanorpiaq isikkoqarsinnaaneri assersuusiorneqarlutik. Kiisalu Kalaallit Nunaanni tamarmi meeqqat inuusuttullu naapertuuttumik tarnikkut ikiorserneqarnis- saasa qularnaarnissaannut akimmiffiunerpaasartut allaaserineqarput. Tamatumanilu tunngavi- gineqarput isumaginninnerup iluani suliaqartunik susassaqartunillu allanik meeqqanik inuusut- tunillu attaveqartartunik apersuinerit.

Una toorlugu nalunaarusiaq atuaruk.

301272

Kalaallit Nunaanni ulluunerani neqeroorutit

Pissutsinik meeqqat avatangiisaannut pingaarutilinnik misissuineq 

Misissueqqissaarnerup matuma tunuliaqutaraa MIO-p (Nunatta meeqqat pisinnaatitaaffiinik sullissiviata) kissaatigimmagu Kalaallit Nunaanni ulluunerani neqeroorutit pitsaassusaat misissuiffigineqassasoq, meeqqat pisinnaatitaaffiinut naleqqiullugu isiginneriaaseqartumik. Misissuinerit allat, soqutiginnittut attaveqaatillu allat ilimanarsisinnikuuaat, Kalaallit Nunaanni meeraqartoq ulluunerani neqeroorutini pitsaassutsimik naammattumik misigisaqarneq ajortunik. Tamanna ilaatigut peqquteqarpoq, meeqqat amerlassusaannut naleqqiullugu perorsaasunik perorsaanikkullu sulisunik allanik ilinniarsimasunik ikippallaanik sulisoqarneranik. Pissutsit taamaattut meeqqat ineriartornerannut sunniuteqarsinnaapput.  Uani misissuineq atuaruk.

GUX Nuummi ilinniartut tarnikkut ikiuisarneq pillugu isumaannik paasiniaalluni apeqqutinut immersuiffissamik misissuineq

Nunatta Meeqqat Pisinnaatitaaffiinut Sullissiviata MIO-p oktobarip qaammataani 2018-mi Nuummi GUX-imi ilinniartut akornanni misissuivoq inuusuttumiit-inuusuttumut misissuinertut taallugu.

Tamatuma siunertaraa Kalaallit Nunaanni inuusuttut tarnikkut qanoq issusaat kiisalu tarnikkut ikiorneqarnissamik pisariaqartitsinerup annertussusaa paasiniassallugu; ajornartorsiut tassaasoq Kalaallit Nunaanni qaammarsaavigineqarpianngitsoq.

Innuttaasut MIO pillugu ilisimasaat kiisalu meeqqat pisinnaatitaaffiisa pingaaruteqassusaanut isumaat

HS Analyse-p meeqqat pisinnaatitaaffiinut sullissivik MIO sinnerlugu nunami innuttaasut apeqquteqaateqarfigisimavai MIO-mut, FN’ip Meeqqat Pisinnaatitaaffii pillugit Isumaqatigiissutaanut (Meeqqat pillugit Isumaqatigiissut), ilisimasaqarnerinik, kiisalu qanoq pingaaruteqartiginersoq Meeqqat pillugit Isumaqatigiissummi artikelit arlallit malillugit Kalaallit Nunaanni meeqqat atugaat pitsanngorsaaffigineqassappata.

Naammagittaalliuteqarsinnaaneq, meeqqat inuusuttullu isumaat pillugit misissuineq

Nalunaarusiaq meeqqat inuusuttullu naammagittaalliuteqarsinnaanerannut inuusuttut ilisimasaannik siunnersuutaannillu imalik. Nalunaarusiaq uani atuaruk.

Naalagaaffiit Peqatigiit Meeqqat Pisinnaatitaaffii pillugit Isumaqatigiissutaannik Kalaallit Nunaanni piviusunngortitsiniarnissamut nuna tamakkerlugu iliuusissamik pilersaarutissamut meeqqat inassuteqaataat

Nalunaarusiaq meeqqanik tusarniaanermik aallaaveqarpoq, meeqqat Naalaagaaffiit Peqatigiit Meeqqat pillugit Isumaqatigiissutaata nunatsinni qanoq naammassineqarnissaanut isumaqarnersut aallaavigalugu. Nalunaarusiaq uani atuaruk.

Soriarsinnaajunnaarneq oqariartuutinngoraangat

InnuttaasutMIO-mut saaffiginnissutaannut nalunaarusiaq uani atuarneqarsinnaavoq.

Meeqqat pisinnaatitaaffii nakussassartigit peqatigiilluta

Naalagaaffiit Peqatigiit Meeqqat Pisinnaatitaaffii pillugit isumaqatigiissutaat aallaavigalugu Kommuneqarfik Sermersooq aamma Meeqqat Pisinnaatitaaffii pillugit sullissivik MIO 2014-imi, meeqqat pisinnaatitaaffiisa nakussassarneqarnissaanik kissaateqarput. Suleqatigiinneq ukiut marluk missaani ingerlavoq novembarimilu 2015-imi naammassilluni.

Uani asserluunniit toorlugu nalunaarusiaq atuaruk.

Plakati “Naalagaaffiit Peqatigiivisa Meeqqat Pillugit Isumaqatigiissutaa – Kalaallit Nunaata eqquutsinngilaa isumaqatigiissummi artikilini ukuusuni”

Plakatip matuma takutippaa artikelit sorliit Kalaallit Nunaanni eqqortinneqannginnersut, kiisalu takutillugu suliassaqarfiit akornanni meeqqanut inuusuttunullu tamanut Nuna Tamakkerlugu Iliuusissatut Pilersaarut sumi pisariaqartinneqarnersoq. Plakati assiip toorneratigut uanilu takujuk.

Nalunaarusiaq Meeqqat Pisinnaatitaaffiinik Sullissiviup MIO-p suliai 2015-2018

Meeqqat Illersuisuata nalunaarusiaq Meeqqat pisinnaatitaaffiinik sullissiviup MIO’p sulinera 2015-2018 meeqqat inersimasullu meeqqat atugaarisaat pillugit oqaluttuaanik misigisanillu imaqarpoq. Nalunaarusiaq uani atuaruk. 

Meeqqanik perorsaanermi killiliisarneq – Sooq killiliisoqartarpa kiisalu killissat sumiippat?

Una atuagaq najoqqutassiaq angajoqqaanut meeqqanullu isumassuisunut saaffignnippoq, taamatuttaaq killiliinissamut isumassarsiffiusinnaalluni. Killiliisarneq meeqqap pisinnaatitaaffigiaa, tamatumalu piviusunngortinnissaa inersimasut akisussaaffigaat.

Asasanninneq aamma tassaavoq killiliineq.

Killeqarnitsigut immitsinnut illersortarpugut, tamannalu ataqqineqaraagat, attavigiinnitsinni toqqissisimaneq pilersarpoq. Killissagut ataqqineqaraangata akuerisaasutut asaneqartutullu misigisarpugut. Killissagut qaangerneqaraangata ataqqineqannginnermik eqqunngitsuliorfigineqarnermillu misigisarluta.

Nammineq killissatta ilisimanissaat aamma qanoq killiliinissatta ilikkarnissaa pisariaqarput.

Atuakkami najoqqutassiami killisanut tunngatillugu assersuutinik atuartoqarsinnaavoq, isummerfissat kisimiilluni peqateqarlutilluunniit isumassarsiorfigineqarsinnaapput.

Atuakkap najoqqutassiap uuma pitsaasumik asannittumillu killiliinissannut isumassarsitikkumaarpaatit, ilinnut meeqqannullu iluaqutaasussamik.

Atuagaq najoqqutassiaq ”Meeqqanik perorsaanermi killiliisarneq – Sooq killiliisoqartarpa kiisalu killissat sumiippat?” kalaallisut qallunaatullu allataasoq uani atuarneqarsinnaavoq.

Meeqqat inuusuttullu pillugit ilisimasat – nalunaarusiat misissuinerillu 2004-2016

Kalaallit Nunaanni piffissami 2004-miit 2016-imut meeqqat inuusuttullu pillugit nalunaarusiat misissuinerillu inernerisaat pingaarnerit MIO-p piffissami 2004-miit 2016-mut katersorsimavai. Nutaatut ilinniartiitaaneq pillugu paasissutissat ilanngunneqarput, tassanilu ilinniarnermik taamaatiinnartarneq aamma sammineqarluni. Aammattaaq paasissutissat meeqqat timikkut tarnikkullu peqqissusaat pillugit sammineqarput. Uani nalunaarusiaq atuaruk.

MIO-p meeqqat inuusuttullu pillugit ilisimasai – nalunaarusiat misissuinerillu 2004-2014”

Kalaallit Nunaanni piffissami 2004-miit 2014-imut meeqqat inuusuttullu pillugit nalunaarusiat misissuinerillu inernerisaat pingaarnerit MIO-p katersorsimavai.

Angajoqqaanut atuagassiaq “Asannittumik”

Angajoqqaat tamarmik atuagaq ”Asannittumik” akeqanngitsumik aasinnaavaat. Atuakkap angajoqqaanut eqqarsalersitsissutissanik imaqarpoq isumassarsiorfigineqarsinnaasunik, atuakkamullu suliarinnittuupput Meeqqat pisinnaatitaaffii pillugit sullissivik MIO , NAKUUSA-lu.

Inuk inuuvoq

Nalunaarusiaq ”Inuk inuuvoq” Uummannami, Ilulissani, Maniitsumi, Nuummi, Qaqortumi aamma Narsarsuarmi meeqqat ulloq unnuarlu angerlarsimaffinnut ilaqutarsianullu inissinneqarsimasut 33-it apersorneqarneri tunuliaqutaralugit pilersinneqarsimavoq. Meeqqat inissinneqarnertik, inissinneqarsimasutullu inissisimanertik qanoq misigisimanerlugu oqaluttuarput. Misissuinerup, meeqqanut suliniuteqartoqarneranut atatillugu misigisaasa, inatsisit malillugit suliaqarnerup qanoq ataqatigiinngitsiginerat takutippaa. Meeqqat peqataatinneqarnissaat aamma iliuusissamut pilersaarusiornerup pingaarnersiuinermi qaffasissumik inissisimanissaat pisariaqartinneqarpoq. Taamaalilluni ikiuiniarluni iliuutsinut tunngatillugu pilersaarusiornermi, siunissaq pillugu meeqqat peroriartorneranni ilaqutariinnut attaveqarneq atajuarnerlu pilersinneqassammata.

Inatsimmiit suliarineranut

MIO-p maajimi 2014-imi mississuineq “Inatsimmiit suliarineranut” saqqummersippaat. Ilaatigut inatsisip piviusunngorluni atuitilersinnaanera, massakkut sullissineq meeqqamut pitsaanerpaajunersoq, aammalu meeqqap inatsisit malillugu naalaanneqartarnersoq qitiutinneqarput.

Meeraq kinaluunniit piitsuutitaalluni peroriartussanngilaq

MIO-p Statens Institut for Folkesundhed aammalu Kalaallit Nunaanni Naatsorsueqqissaartarfik suleqatigalugit nalunaarusiaq “Meeraq Kinaluunniit piitsuutitaalluni peroriartussanngilaq” saqqummersinnikuuaat. Nalunaarusiaq una toorlugu aaneqarsinnaavoq.

Inatsimmiit suliarineranut

MIO-p maajimi 2014-imi mississuineq “Inatsimmiit suliarineranut” saqqummersippaat. Ilaatigut inatsisip piviusunngorluni atuitilersinnaanera, massakkut sullissineq meeqqamut pitsaanerpaajunersoq, aammalu meeqqap inatsisit malillugu naalaanneqartarnersoq qitiutinneqarput.

Meeraq kinaluunniit piitsuutitaalluni peroriartussanngilaq

MIO-p Statens Institut for Folkesundhed aammalu Kalaallit Nunaanni Naatsorsueqqissaartarfik suleqatigalugit nalunaarusiaq “Meeraq Kinaluunniit piitsuutitaalluni peroriartussanngilaq” saqqummersinnikuuaat. Nalunaarusiaq una toorlugu aaneqarsinnaavoq.

MIO-p siunnersuutai pitsaasut 

MIO quppersakkanik inersimasunut meeqqanullu siunnersuutitsialannik imalinnik saqqummersitsivoq.

Anaana ataatalu najugaqatigiikkunnaalerpata

Inersimasunut siunnersuutit pitsaasut – Anaana ataatalu najugaqatigiikkunnaalerpata

Imminut toquttarneq pinaveersaartinniarlugu

Imminut toquttarneq pinaveersaartinniarlugu pillugu. Uani quppersagaq takujuk.

Meeqqat internetsimik inuillu attaveqaqatigiittarfiannik atuinerat pillugu

2014-mi MIO meeqqanut paasisimaqarfimmik pilersitsivoq, kalaallit meeqqat atuarfianni 6-7. klassimi atuartunik. MIO’p Meeqqat paasisimasaqarfiatigut meeqqat ulluinnarni sammisaat assigiinngitsut atugaallu tusarusuppai. Meeqqat paasisimasaqarfiatigut meeqqat nipaat tusarneqartarput. Uani misissuinermi paasisimasaqarfikkut meeqqat internettimik inuillu attaveqaqatigiittarfiannik atuinerat pillugu aperineqarsimapput. Una nalunaarusiaq inersimasunut sanaajuvoq. Atuartut misissuinermi peqataasut aammattaaq nalunaarusiamik tunineqarput, apeqqutinut akissutaat ilanngullugu. Taanna takuneqarsinnaavoq uani: Meeqqanut Inuusuttunullu Saqqummersitami.

Nalunaarusiaq inersimasunut uani takuneqarsinnaavoq.

Najorti

Najorti meeqqanut inuusuttunullu Kommunemi suliamut tunngatillugu, peqataatitsillunilu tapersersuisinnaasoq.

Najorti – Angajoqqaanut

Najorti – Meeqqanut sullissisunut

Nalunaarusiaq FN-p Meeqqat Pisinnaatitaaffiisa Ataatsimiitsitaliaanut

Una nalunaarusiaq Kalaallit Nunaat pillugu immikkoortortamut, naalagaaffeqatigiinnermi uteqqiartumik tallimassaanik nalunaarusiamut, FN-ip Meeqqat Pisinnaatitaaggiisa Ataatsimiitisitaliaanut erseqqissaaneruvoq.

Uani nalunaarusiaq tuluttut atuaruk, uanilu nalunaarusiaq qallunaatut atuaruk.
Nalunaarusiap kalaallisuua uani takuneqarsinnaavoq (Malugiuk! Nalunaarusiaq ilusilersorneqanngilaq).

Meeqqat Illersuisuata meeqqat pillugit politikkikkut innersuussutai

Meeqqat Illersuisuata Aviâja Egede Lyngep 2018-ip tungaanut anguniagassatut pilersaarutaata periusissiaatalu ilaatut meeqqat illersuisoqarfiat MIO politikerinut aqutsivinnullu tunngasumik suliniutissanik meeqqat pisinnatitaaffiisa qulakkeerneqarnissaannut erseqqarissuunissaannullu suliniutinut inassuteqaatinik imaqartumik kakkersakkamik saqqummersitsivoq. Kakkersagaq “Meeqqat tamarmik naleqarput” uani atuaruk.

MIO-P suliai

Meeqqat  Pisinnaatitaaffiinik  sullissiviuP MIO-P suliai 2015-2018
MIO-p ukiuni 2015-2018-mut suliai nalunaarusiami uani atuarneqarsinnaavoq.

Anaana ataatalu najugaqatigiikkunnaalerpata – inersimasunut siunnersuutit pitsaasut

MIO-p quppersagaaraliaa inersumasunut pitsaasunik siunnersuutitalik angajoqqaat avissaarneranni meeqqamik qajassuussilluarnermut. Quppersagaaraq uani atuaruk.

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?