Ilinniartitsissutit

Meeqqat pisinnaatitaaffii ilinniartitsissutigisigit

Ilinniartitsissutit ukut sammisanik, sungiusaatinik sakkussanillu imaqarput, illit ilinniartitsisutut makkununnga atorsinnaasannik, meeqqat pisinnaatitaaffiisa ilinniartitsissutiginissaannut pilersaarusiorninnut. Qanoq iliorlutit atuartuutivit pisinnaatitaaffiinik ataqqinnittunik tapersiisunillu ilikkariartorfiusunik avatangiisinik pilersitsisinnaanerpit eqqarsaatersuutigineranut pilersaarusiorneranullu. Atuartut siunnersuisoqatigiivisa angajoqqaanillu akuutitsinerup nukittorsaaviginerannut.

Atortut nukarlernut akullernullu sammititaapput. Atortut MIO aamma Inuit Pisinnaatitaaffiinut Kalaallit Nunaata Siunnersuisoqatigiivilu peqatigalugu suliaapput. “Meeqqat pisinnaatitaaffii ilinniartitsissutigisigit” uani aaneqarsinnaavoq.

 

Uangaana timiga

Ilinniartitsissutit 2016-imeersoq sammisassanik, sungiusaatinik, sakkunillu imarisalik. Illinniartitsisutut imak atorsinnaasatit:

Atuartitsinermi atortussiat pissutsit innarliisinnaasut, killissanik qaangiisin­naasut imaluunniit akunnattoorfiusut pillugit meeqqat ilisimasaqarnerannik aamma qanoq iliuuseqarsinnaaneran­nik periarfissanik ilisimasaqarnerannik nukittorsaanermut atugassiaapput. Qanoq iliussappat? Qanoq oqassappat? Qanoq iliorsinnaatitaappat aamma qanoq iliortoqarsinnaava?

Atuartitsissut meeqqanut akullerni atuartunut 4-7 klassenut naleequssagapput.

Uangaana timiga MIO’mit suliarineqarpoq, Saaffik aamma Ilaqutariinnermut Naligiissitaanermut Isumaginninnermullu Naalakkersuisoqarfik suleqatigalugit. Atuartitsissut uani takujuk.

 

Meeqqat pisinnaatitaaffii pillugit atuagaq

MIPI/MIO aamma ICC Meeqqat pisinnaatitaaffii pillugit atuakkamik, meeqqat atuarfianni atugassiamik saqqummersitsisimapput.

Atuakkami siunertarineqartoq tassaavoq FN’p meeqqat pillugit isumaqatigiissutaa malillugu,  Kalaallit Nunaanni meeqqat pisinnaatitaaffimminnik ilisimasaqalernissaat. Pisinnaatitaaffiit unioqqutinneqannginnissaat eqqanaarniarlugu, innuttaasut taakku pillugit ilisimasaqarnissaat qitiusumik piumasaqaataavoq, tamannalu meeqqanut inersimasunullu atuuppoq. 2012-mi ukiakkut Kalaallit Nunaanni meeqqat atuarfii klassini atortussianik nassinneqarput.

Suli aamma ikiuutitut MIO suliassanut siunnersuutinik, meeqqat pisinnaatitaaffii pillugit atuartitsinermi atorneqartussanut siunnersuutinik suliaqarpoq.Siunnersuutit taakku piffissap ingerlanerani MIOp nittartagaanut ikkunneqassapput.

Atuagartaa – Pisinnaatitaaffeqarpunga! Kalaallisut qallunaatullu allanneqarnikoq uani atuarneqarsinnaavoq.

Ilinniartitsisumut ilitsersuut – Pisinnaatitaaffeqarpunga! Kalaallisut qallunaatullu allanneqarnikoq uani atuarneqarsinnaavoq.

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?