Innarluuteqarneq
Timikkut misigissutsikkulluunniit innarluuteqaruit meeqqat inuusuttullu allat tamaasa assigalugit pisinnaatitaaffeqarputit. Imaappormi immikkut ittunik malittarisassaqarmat, pitsaasumik inuuneqarnissarnik qulakkeerisunik.
Periarfissinneqassaatit ikinngutitit assigalugit sammisassanukarsinnaanissarnut, assersuutigalugu timersornermut, mersornermut, filmeriarnermut, atuarnermut, ilinniagaqarnermut allarpassuarnulluunniit. Taakkununnga periarfissanut ornigussinnaanngikkuit, kommunivit sulissutigissavaa taamaaliorsinnaalernissat.
Meeqqat inuusuttullu innarluuteqartut ilaasa allat innarluutertik pillugu oqaloqateqarnissartik pisariaqartittarpaat. Nalugukku kina oqaloqatigissallugu tamatigut SMS-ikkut siunnersuisarfia 1899 imaluunniit Tusaannga 801180 aperisinnaavat. MIO-mut aamma mailikkut mio@mio.gl saaffiginnissinnaavut imaluunniit telefonikkut 34 69 40.
Aamma innarluutit assigiinngitsut pillugit atuarsinnavutit suullu periarfissarinerlugit uani. IPIS tassaavoq ilisimasaqarfik siunnersuisarfillu innarluutit pillugit.
Soorlu Meeqqanut Isumaqatigiissut Kalaallit Nunaannut atuuttoq aamma Innarluutilinnut Isumaqatigiissut aamma taamaappoq. Uani Innarluutilinnut Isumaqatigiissut atuarsinnaavat.
Meeqqat inuusuttullu innarluutillit meeqqatut allatulli pisinnaatitaaffeqarput, kiisalu immikkut pisinnaatitaaffeqarput pitsaasumut inuunermut ikiuisussanik.