Atuarfik
MIO meeqqat atuarnerannut atatillugu pisinnaatitaaffiinik siunnersuisinnaavoq. Meeqqat tamarmik atuarfimmi atungarisatik pillugit MIO-mut saaffiginnissinnaapput.
Meeqqat tamarmik atuartussaatitaallutillu atuarnissaminnut pisinnaatitaaffeqarput.
Angajoqqaat meeqqamulluunniit isumaginnittut meeqqat atuariartornissaat akisussaaffigaat. Meeqqat assigiinngitsunik atuarnermut atatillugu pisinnaatitaaffeqarput, assersuutigalugu:
- Meeqqat atuarnissaminnut ineriartornissaminnullu pisinnaatitaaffeqarput
- Meeqqat atuarnermi ingerlanerat pillugu pilersaarusiornermi peqataatinneqarnissartik pisinnaatitaaffigaat
- Meeqqat ilinniaqqinnissaminnut piareersarnissamik pisinnaatitaaffeqarput
- Meeqqat atuarfimmi imminnut tunngasunik aalajangiinernut peqataatinneqarnissaminnut tusaaneqarnissaminnullu pisinnaatitaaffeqarput.
MIO atuarfinni meeqqat qanoq atuartinneqarnissaat pillugu aalajangiisinnaanngilaq.
Meeqqat pisinnaatitaaffii pillugit atuartitsineq
Naalagaaffiit Peqatigiit Meeqqat pillugit Isumaqatigiissutaani meeqqat atuartussaanerinik MIO-p ilinniartitsisut ilitsersuussinnaavai siunnersorlugillu. MIO atuartitsinermut atuakkanik marlunnik saqqummersitsinikuuvoq, ugguuna takuneqarsinnaasunik.
Ilinniartitsisut akissarsiaat sulinermilu atungassarititaasut
Saaffiginnissut ilinniartitsisut sulinerminni atungarititaannut, akissarsiaannut assigisaanullu tunngappat MIO-p assersuutigalugu IMAK-imut innersuuttarpai.
Sulinermut atugassarititat pillugit saaffiginnissutit Kalaallit Nunaanni Sullivinnik Nakkutilliisoqarfimmut innersuunneqartarput.