MIO-p kajumissaarusiaa
Nunatsinni meeqqat atugaasa pitsanngortinneqarnissaat anguniarlugu naleqartitat pitsaasut pillugit innuttaasunut novembarip 20-ani 2017-imi MIO saqqummersitsivoq.
Naalagaaffiit Peqatigiit Nunarsuaq tamakkerlugu Meeqqat pisinnaatitaaffiisa isumaqatigiissutaannut ullorititaani, novembarip 20-ani 2017-imi, MIO kajumissaarummik saqqummersitsivoq. Kajumissaarut innuttaasut naleqartitaannik pitsaasunik imaqarpoq, Nunatsinnilu meeqqat perorsarneqarnerani naleqartitanut isummanullu pitsaasunut tunngasuulluni. HS-Analyse, Meeqqat Illersuisuata Aviâja Egede Lyngep misissueqquneratigut misissuisimavoq, meeqqanik perorsaanermi naleqartitat pillugit innuttaasut isummernerat pillugu. Paasisallu kajumissaarummi tunngaviupput.
Misissuinerup takutippaa inuiaqatigiit isumaqartut perorsaanermi naleqartitat pingaarnerit ukuusutAsanninneq, unneqqarinneq, ataqqinninneq, qanilaassuuseq, ataqatigiinneq aamma ammaneq.
Erinarsortartoq Frederik Elsner MIO-mut tunniussaminik erinarsuusiorpoq, kajumissaarutillu saqqummiunneqarnerani erinarsuut aamma saqqummiunneqarpoq. Erinarsuut uani tusarnaarsinnaavat.
