Pimmatiginninneq
Ilaatigut nuannersinnaavoq uumisaarneqarluni soqutigineqarluni misigineq pissutaalluni. Imaassinnaavoq uumisaarisoq nuannarigaa. Kisiannili illit imaluunniit alla aliatsappat, uumisaarinerit unissapput.
Uumisaarneqarpallaaraanni, tassaasinnaavoq pimmatigisaaneq, tamannalu nuanninngisaannarpoq.
Pimmatiginninneq tamatigut unitsinneqartassaaq.
Pimmatiginninneq sumiiffinni amerlasuuni pisinnaavoq, soorlu atuarfimmi, atuareernerup kingorna ornittakkami, klubbimi, internettimi imaluunniit sunngiffimmi. Imaassinnaavoq aterutsinik taagorneqartutit, annersinneqartutit imaluunniit ilaluarisaasutit. Pimmatiginninneq assigiinngitsorpassusinnaavoq.
Pimmatiginnittoqarsinnaavoq aamma pimmatigisaasoqarsinnaavoq. Pimmatigineqaraanni ajornakusoorsinnaasarpoq pimmatiginnittoq uneqqullugu oqarfigissallugu. Taava inersimasumut saaffiginnittoqarsinnaavoq ikioqqulluni. Pimmatiginnittut aamma namminneq uninnissartik ajornakusoortissinnaavaat, taamaammat pingaaruteqarpoq pimmatiginnittunut tamanut uneqqusinissaq, pimmatiginninngikkaluaraanniluunniit. Imaappormi allamut pimmatiginnittoq takugaanni qanoq iliuuseqarnanilu, taava pimmatiginneqataassaatit.
Pimmatigineqaruit, ilasarisimasaqaruit pimmatigineqartunik, pimmatiginnittaruit unitserusullugulu, taava isumassarsiatsialaassaaq oqaloqateqarnissaq.
Nalugukku kina oqaloqatigissanerlugu, tamatigut SMS-ikkut siunnersuisarfia 1899 aperineqarsinnaavoq. Aamma MIO-mut saaffiginnissinnaavutit mailikkut mio@mio.gl imaluunniit telefonikkut 34 69 40.
Pimmatiginninneq pillugu ukunani atuarsinnaavutit www.kammagiitta.gl imaluunniit www.friformobberi.dk.
Meeqqat tamarmik inuunermut pitsaasumut pisinnaatitaaffeqarput, illersorneqarsinnaatitaallutik kiisalu ikiorneqarnissaq pisinnaatitaaffigaat