Persuttaaneq
Meeqqat ilaasa persuttaaneq nalaattarpaat.
Namminneq persuttartissimasinnaapput imaluunniit persuttaaneq angajoqqaamik akornanni pisoq takusinnaavaat imaluunniit imminnut paarsisut akornanni.
Persuttaaneq timimut tunngasinnaavoq, immaqa aalaterneqarujussuarluni, annersinneqarluni imaluunniit cigarettinik uutarneqarluni. Aamma persuttaanerusinnaavoq misigissutsikkut, qunusaarneqarluni, nuanniitsuinnavimmik oqaluunneqarluni, assersuutigalugu oqarfigineqarluni suunnginnerarluni imaluunniit atorfissaqartinneqarani. Aamma persuttaanerusinnaavoq – aamma persuttarneqartutut misiginarpoq – takugaanni angajoqqaat persuttaattut.
Persuttartinneq nalaassimagaanni ajornakusoorsinnaasarpoq oqaluttuarinissaa. Immaqa persuttarneqarnissaq ersigineqarsinnaavoq imaluunniit qunusaartissimasinnaavoq allanut oqaqqunagu. Immaqaluunniit persuttaasimasut persuttartissimasulluunniit qanoq pinissaat aarlerigisinnaavaa.
Oqimaakkaluarpalluunniit pingaaruteqarpoq inersimasumut tatigisamut oqaluttuarnissaq. Persuttaaneq unitsittariaqarpoq.
Persuuttaneq paasisaqarfiginerorusukkukku uani atuarsinnaavat.
Persutaaneq nalaakkukku ilisarisimasarnullu oqaluttuarerusunngikkukku SMS-ikkut siunnersuisarfia 1899 imaluunniit Tusaannga 801180 attavigisinnaavat, ikiorsinnaaniassammatsit qanoq iliornissarnik. Imaassinnaavoq atit apeqqutigigaat. Sukkanerpaamik ikiosinnaaniassagamitsit taamaaliorput. Atit taarusunngikkukku aamma ajunngilaq. MIO-mut aamma mailikkut mio@mio.gl toqqaannartumik saaffiginnissinnaavut imaluunniit telefonikkut 34 69 40. MIO ulluunerani ataasinngornermiit tallimanngornermut ammasarpoq.
Meeqqat inuusuttullu suulluunniit persuttaanerit, timikkut, misigissutsikkut persuttartinnermit atornerlunneqarnemillu illersorneqarnissaminnut pisinnaatitaaffeqarput. Meeqqat inuusuttullu ikiorneqarnissartik pisinnaatitaaffigaat.