Meeqqat tusaaneqarnissaminnut pisinnaatitaaffeqarput
MIO-p oqaluttuarisinnaavaa sutigut meeqqat atugarisatik pillugit tusaaneqarnissaminnut pisinnaatitaaffeqarnersut.
Meeqqat inuunerminni atungarititaasut suulluunniit, assersuutigalugu angerlarsimaffimmi, atuarfimmi, sunngiffimmi, peqqinnikkut allatigullu atungarisaat pillugit tusaaneqarnissaminnut pisinnaatitaaffeqarput.
Meeqqap inerisimanera ukiualu oqaaseqaataata nalilerneranut sunniuteqartarput.
Meeqqat atugarititaasuni assigiinngitsuni tusaaneqarnissaminnut peqataatinneqarnissaminnullu pisinnaatitaaffeqarput, assersuutigalugu:
- Meeqqap angerlarsimaffiup avataanut inissinneqarnermini isumaa imaluunniit sumi inissinneqarnissaminik kissaateqarnermini (assersuutigalugu angajoqqaarsiani imaluunniit ulloq unnuarluangerlarsimaffinni).
- Angajoqqaat avinnikut tamarmik attaveqarfiginerinut atugassarititaasut pillugit meeqqat pisinnaatitaaffii (uani eqqartuussiviup aalajangiinera attaveqarnermut aalajangiisuusinnaavoq)
- Ulluunerani paaqqinnittarfimmi, atuareernermi ornittakkami atuarfimmilu meeqqat ullormut sammisassarisai, assersuutigalugu sunik nerissanerlutik, ukiup ingerlanerani sussanerlutik assigisaalu.
MIO meeqqat sinnerlugit aalajangiisinnaanngilaq, kisiannili MIO erseqqissaasinnaavoq meeraq peqataatinneqarlunilu tusaaneqarnissaminut pisinnaatitaaffeqartoq.
Kalaallit Nunaanni Eqqartuussivik ilaanneeriarluni ilaqutariit sinnerlugit aalajangiisarpoq – www.domstol.gl
MIO inatsisit malittussaavai.