Meeqqanut inuusuttunullu tulluartut
Misigissutsikka oqaluuseritigit
Meeqqat tamarmik misigissuseqarnissaminnik aamma misigissutsiminnik nipituumik oqaatiginninnissaminnut imaluunniit allanut qanoq innerlutik takutitsinissaminnut pisinnaatitaaffeqarput.
Una atuagaaraq meeqqanut ilaqutariinnullu naatsorsuussaavoq misigissutsillu pillugit oqaluuserinninnissamut isumassarsiorfiusinnaalluni. Atuagaaraq uani atuaruk.
Maani illerpiaasinnaavutit
MIO meeqqanut inersimasunullu plakatimik saqqummersitsivoq, ammip qalipaataa, suiaassuseq, seksualiteti, oqaatsit, isikkoq, politikkikkut isummat, innarluuteqarneq imaluunniit suminngaanneerneq apeqqutaatinnagit inunnik tamanik ataqqinninnissamut kajumissaarisumik.
Uani asserluunniit toorlugu plakati pdf fil-inngorlugu takujuk.
Illerpiaasinnaavutit – taamak pisinnaatitaaffeqarputit
Illerpiaasinnaavuit – taamak pisinnaatitaaffeqarputit atuagaavoq Naalagaaffiit Peqatigiit Meeqqat pisinnaatitaaffii pillugit Isumaqatigiissutaanniit isigalugu pisinnaatitaaffiit sumut tunnganersut pillugit atuakkiaq.
Atuagaq nipituumik atuffassissutitut atorneqarsinnaavoq, kisianni aamma pisinnaatitaaffiit pillugit oqallissaarutaasinnaalluni.
Atuagaq uani atuaruk.
Atuakkap oqariartuutai eqqumiitsuliortup Naja Abelsenip kusanarluinnaqqissaartumik titartarsimavai.
Meeqqat tamarmik naleqarput – atuagaaraq
Meeqqat mikinerusut meeqqallu atuarsinnaanngitsut pisinnaatitaaffitik ilisimasariaqarpaat. Taamaammat MIO-p atuagaaraq meeqqat pisinnaatitaaffiisa suunerinik, Meeqqat Illersuisoqarneranik meeqqat pisinnaatitaaffiinik illersuisumik kiisalu qanoq isilluni attavigineqarsinnaanera pillugit imaqartoq saqqummersippaa. Atuagaaraq uani atuaruk.
MIO-p siunnersuutai pitsaasut – quppersakkat
MIO quppersakkanik inersimasunut meeqqanullu siunnersuutitsialannik imalinnik saqqummersitsivoq. Quppersakkani ilaqutariinni ataataasup anaanaasullu najugaqatigiikkunnaareernerisa kingorna alliartorneq imminortarnermillu pinaveersaartitsineq eqqartorneqarput.
Anaana ataatalu najugaqatigiikkunnaalerpata
MIO-p Kalaallit Nunaat tamaat angalavigaa aammalu meerarpassuit inuusuttorpassuillu najugaqatigiikkunnaarsimasunik angajoqqaallit oqaloqatigigalugit. Tamanna tunngavigalugu MIO pingasunik quppersagaliorpoq. Quppersagaq siulleq meeqqanut inuusuttunullu najugaqatigiikkunnaarsimasunik angajoqqaalinnut MIO-p siunnersuutaanik imaqarpoq. Quppersakkap aappaa meeqqat meeraqatiminnut
siunnersuutaannik imaqarpoq, kingullerlu inersimasunut meeralinnut najugaqatigiikkunnaarsimasunut siunnersuutinik imaqarluni.
Anaana ataatalu najugaqatigiikkunnaalerpata
Imminut toquttarneq pinaveersaartinniarlugu
Quppersagaq taanna Kalaallit Nunaanni atuarfinnut ilinniagaqarfinnullu orniguttarnerit tunngavigalugit saqqummersinneqarpoq. MIO-p meeqqat inuusuttullu oqaloqatigisarnikuuai qinnuigisimallugillu meeqqat inuusuttullu imminornissaminnik eqqarsaateqartut imaluunniit nalunngisaminnik imminorsimasumik misigisaqarsimasut qanoq ikioqatigiilluta ikiorsinnaanerigut siunnersuusioqqullugit
Inuusuttuniit inuusuttunut siunnersuutit pitsaasut – Imminut toquttarneq pinaveersaartinniarlugu
Meeqqat internetsimik inuillu attaveqaqatigiittarfiannik atuinerat pillugu
2014-mi MIO meeqqanut paasisimaqarfimmik pilersitsivoq, kalaallit meeqqat atuarfianni 6-7. klassimi atuartunik. MIO’p Meeqqat paasisimasaqarfiatigut meeqqat ulluinnarni sammisaat assigiinngitsut atugaallu tusarusuppai. Meeqqat paasisimasaqarfiatigut meeqqat nipaat tusarneqartarput. Uani misissuinermi paasisimasaqarfikkut meeqqat internettimik inuillu attaveqaqatigiittarfiannik atuinerat pillugu aperineqarsimapput. Una nalunaarusiaq meeqqanut sanaajuvoq. Nalunaarusiaq uani takuneqarsinnaavoq.
MIO-p meeqqat pisinnaatitaaffii pillugit plakaatia “Pisinnaatitaaffikka”
MIO meeqqat pisinnaatitaaffii pillugit plakatiliortitsinikuupput, meeqqat nammineq pisinnaatitaaffitik ilisimalerneruniassagamikki. MIO-p plakatia Pisinnaatitaaffikka
MIO-p inuunerilluarneq pillugu plakatiliaa
MIO eqqumiitsuliortoq Miki Jacobsen suleqatigalugu meeqqat inuusuttullu pisinnaatitaaffiinik plakatiliornikuupput. Plakati ersarilluarlunilu takujuminartuuvoq. MIO’p meeqqat inuusuttunullu plakatia uani takujuk.
MIO-p nunatta pisuussutai pillugit plakatiliaa
Asseq tooruk asseq angisuunngorlugu takorusukkukku.