Meeqqat Qqaaseqartartuat
Stina Sværd 1. august 2025-mi Kalaallit Nunaanni Meeqqat pillugit oqaaseqartartutut atorfinippoq.
Meeqqat, inuusuttut ilaqutariillu pillugit ukiuni 20-ni misilittagaqarluni Stina suliamik nukittuumik tunuliaquteqarpoq sumiiffimmi inatsisit pillugit sukumiisumik ilisimasaqarluni aammalu meeqqat pisinnaatitaaffiinut, pissutsinut isumannaatsuunissaannullu nammineq tunniusimalluinnarluni.
Stina isumaginninnermut siunnersortitut aamma Tarnikkut katsorsaasutut ilinniarsimavoq. Taanna Isumaginninnermut Aqutsisoqarfimmi immikkoortortaqarfimmi aqutsisutut atorfimmit aallaaveqarpoq. Ukiut siuliini Qaanaami meeqqat immikkoortortaqarfianni teamleder-itut, Kalaallit Meerartaat-ni Najorti-mi ataqatigiissaarisutut kiisalu Kommuneqarfik Sermererfimmi meeqqanut ilaqutariinnullu katsorsaavimmi immikkoortortaqarfimmi aqutsisutut sulisimalluni. Stina aamma nammineerluni Inuit Issittormiut Inuusuttut Siunnersuisoqatigiivini aamma Nanu Meeqqani sulisimavoq.
Ukiuni 18-ini Stina ilaqutanilu ilaqutariittut paarsisartuusimapput, taamaammat meeqqat sakkortuumik aqqusaagartut pisariaqartitaannik Stinamut immikkuullarissumik ilisimasaqalersitsisimavoq.
Meeqqat Oqaaseqartartuat sulerisarpa
Meeqqat Oqaaseqartartuat suliassaraa Naalagaaffiit Peqatigiivisa Meeqqat pillugit Isumaqatigiissutaat malillugu meeqqat inuusuttullu inuiaqatigiinni soqutigisaat isumannaatsumik siuarsaasumillu aallutissaat.
Meeqqat Oqaaseqartartuat ukiuni pingasuni atorfinitsinneqarpoq, sivitsorneqarnissaanik periarfissaqartinneqarluni. Meeqqat Oqaaseqartartuanik atorfinitsitsiniarnermi atorfinitsitseriaaseq naliginnaasoq Naalakkersuisut qinersimavaat malinniarlugu, Ilaqutariinnermut, Peqqissutsimut aamma Ilinniartitaarnermut Naalakkersuisoqarfik aqqutigalugu ingerlanneqarsimalluni.
Meeqqat Oqaaseqartartuat iliuusissai:
- Meeqqat inuusuttullu pisinnaatitaaffiinik aamma maalaarutaanik aqqutissaannik siunnersorlugit aqqutissiuullugillu.
- Angajoqqaat meeqqat pisinnaatitaaffiinik aamma maalaarutaanik aqqutissaannik siunnersorlugit aqqutissiuullugillu.
- Pisortatigut aamma namminerisamik sulliviutillit siunnersorlugit aqqutissiuullugillu.
- Naalagaaffiit Peqatigiivisa Meeqqat pillugit Isumaqatigiissutaat naapertorlugu inatsisitigut isumannaatsumik meeqqat inuusuttullu sullinneqarnerat qulikkiissallugu
- Pissutsit meeqqanut inuusuttunullu tunngasut nalilersussallugit
- Meeqqanut inuusuttunullu tunngasunik paasissutissanik katersineq
- Meeqqanut inuusuttunullu tunngasunik paasissutissanik ingerlatitseqqiineq
- Inuiaqatigiinni oqallinnerni peqataaneq aamma meeqqat inuusuttullu kajumissaartarlugit peqataaqqullugit
- Meeqqat atugarisaat nakussassarlugit suliniutinik siunnersuusiorneq
Meeqqat Oqaaseqartartuat inunnik ataasiakkaanik tunngassutilinnik aalajangersaasinnaanngilaq, kisianni oqaaseqarsinnaatitaavoq pisinnaatinneqarlunilu paasissutissanik meeqqat atugarisaannut attuumassutilinnut pisortani namminersortunilu sullissiviini isersinnaatitaalluni.
Meeqqat Oqaaseqartartuat, Meeqqat pillugit Siunnersuisoqatigiit kiisalu Meeqqat pisinnaatitaaffiinik sullissiviat nammineerluni ingerlasuuvoq taamaattumik pisinnaatitaaffeqarluni oqaaseqarsinnaatitaanermik. Meeqqat Illersuisuat Pisortanut naleqqiullugu pisussaaffeqarpoq meeqqat inuusuttullu nipaannik oqaaseqassalluni.
Meeqqat Oqaaseqartartuat, Meeqqat pillugit Siunnersuisoqatigiit kiisalu Meeqqat pisinnaatitaaffiinik sullissiviat pilersinneqarpoq marsip aallaqqaataani 2012-imi, Inatsisartut inatsisaat nr. 11 ulloq 22. november 2011 naapertorlugu atulersinneqarmat Meeqqat Illersuisuat aamma Meeqqat pillugit Siunnersuisoqatigiit.
SIORNANI MEEQQAT OQAASEQARTARTUAT
Kalaallit Nunaanni Meeqqat Illersuisuat siullerpaaq Aaja Chemnitz Larsen-iuvoq. Taanna 2012-imiit 2015-ip tungaanut meeqqanut oqaaseqartartuuvoq.
Aviâja Egede Lynge 2015-imi juunimi meeqqanut oqaaseqartartutut atorfik tiguaa, suliassarlu 2025-mi maajip tungaanut ingerlallugu.