Akornusersorneqarani inuuneq
Inuit tamarmik akornusersorneqaratik inuunissaminnut pisinnaatitaaffeqarput.
Tamanna isumaqarpoq, soorlu SMS-ersinnaasutit mailersinnaasutillu angajoqqaavit allalluunniit inersimasut akuliuffiginngisassaannik. Aamma sunngiffimmi inerniluunniit ikinngutitillu sammisaqarsinnaavusi angajoqqaat akuleruffiginngisaannik.
Internettimi aamma allat akuleruffiginngisaannik inuuneqartoqarsinnaavoq. Internettimi allat akuleruffiginngisaannik inuuneqarneq isumaqarpoq paasissutissat, assit videolluunniit imminut tunngasut ikkutat. Nalornigaanni, imminut paasissutissat tunngasut qanoq ilillugit paarissanerlugit, tamatigut pitsaasuuvoq ikiortissarsioraanni.
Ajornakusoorsinnaavoq allat akuleruffiginngisaannik inuuneqarnerup akuleruffigisinnaasaannillu inuuneqarnerup killeqarfiata naassaarinissaa. Assersuutigalugu tamatigut inersimasut akisussaaffigaat illit paarissallutit, kisiannili ataqqisussaavaat allanit akuleruffigineqanngitsumik inuuneqarnerit.
Taamaammat pitsaasuuvoq angajoqqaatit oqaloqatigigukkit kajungerisatit pillugit, aammali pitsaaqatigaa aperigunitsit illit suut kajungerineritit. Angajoqqaavit allalluunniit inersimasut pinngitsooratik paaqqutarisussaavaatsit, akisussaaffigalugulu paaqqutarinissat. Taamaammat taakkua, suna ilinnut pitsaanerpaanersoq, aaliangertussaavaat.
Erngummatigilerunitsit assersuutigalugu internettimiittuutit, telefonit inillu misissorsinnaavaat.
Misigiguit akornusersorneqarnak inuuneqaratit imaluunniit apeqqutissaqaruit nalornillutilluunniit tamatigut SMS-ikkut siunnersuisarfia 1899 imaluunniit Tusaannga 801180 aperisinnaavat. MIO-mut aamma mailikkut mio@mio.gl saaffiginnissinnaavut imaluunniit telefonikkut 34 69 40.
Meeqqat inuusuttullu akornusersorneqaratik inuunissaminnut pisinnaatitaaffeqarput.