Nalunaaruteqartussaatitaaneq
Meeqqap atugarisaanik, peqqinneranik ineriartorneraniluunniit ernumassuteqaraanni kommunimut nalunaaruteqarnissaq pisussaaffeqarpoq (Meeqqat tapersersorneqarnissaannut Inatsisartut inatsisaat, kap. 5 §§ 15-16).
MIO ilitsersuussisinnaavoq qaqugukkut qanorlu kommunimut nalunaaruteqarnissamik.
MIO-p innuttaasunit meeqqanut ernumassutilinnut saaffiginnissutit tigukulasarpai. Meeqqanut ernumassutit ukununnga tunngasinnaapput:
Meeqqat atuarfimmut takkunneq ajortut, meeqqat nerisinneqarneq ajortut, angerlarsimaffimmi aanngajaarniutinik aalakoornartunillu ajornartorsiuteqarfiusumi meeqqat angerlarsimaffeqartut, meeqqat tilluusallit, meeqqat kinguaassiutitigut atornerlugaassimanerinut pasitsaassinerit, meeqqat unnuakkut angerlanngitsoortut allarpassuillu.
Isumaginninnermi pigaartup telefonnormui:
Qaanaaq 499359
Upernavik 590208
Uummannaq 549522
Qeqertarsuaq 541394
Ilulissat 530917
Qasigiannguit 540430
Kangaatsiaq 586897
Aasiaat 536132
Sisimiut 530197
Maniitsoq 487200
Nuuk 555731
Paamiut 532298
Qaqortoq 493435
Narsaq 497203
Nanortalik 537541
Tasiilaq 598220
Ittoqqortoormiit 599101
Nalunaaruteqarneq meeqqanullu ernumassutit
Meeqqap atugarisaanut peqqinneranullu ernumassuteqaraanni kommuni nalunaaruteqarfigineqassaaq.
Kinaassutsit isertuullugu nalunaaruteqarsinnaavutit. Ukununnga e-mailikkut allagaqarnikkut sianernikkulluunniit nalunaaruteqarsinnaavutit:
Avannaata Kommunia:
social@avannaata.gl illoqarfigisanniluunniit socialvagtimut sianernikkut
Kommuni Qeqertalik:
Aasiaat:
nalunaarut.aasiaat@qeqertalik.gl
Oqarasuaat: 536132
Qeqertarsuaq:
nalunaarut.qeqertarsuaq@qeqertalik.gl
Kangaatsiaq:
nalunaarut.kangaatsiaq@qeqertalik.gl
Oqarasuaat: 586897
Qasigiannguit:
nalunaarut.qasigiannguit@qeqertalik.gl
Oqarasuaat: 523102
Qeqqata Kommunia:
sis.familie@qeqqata.gl
Sisimiuni oqarasuaat: 53 01 97
Maniitsumi oqarasuaat: 48 72 00
Kommuneqarfik Sermersooq:
meeqqavut@sermersooq.gl
oqarasuaatikkulluunnit: 36 60 60.
Kommune Kujalleq:
underretninger@kujalleq.gl illoqarfigisanniluunniit socialvagtimut sianernikkut
Kommunit tamarmik meeqqanut ernumassuteqarnikkut saaffiginninnermut ilitsersuuteqarput:
Avannaata Kommunia:
Nalunaarutiginninneq
Nalunaaruteqarneq – Nipaanneq atorunnaaruk
Kommune Qeqertalik:
Nalunaarutiginninneq
Nalunaaruteqarfissaq
Qeqqata Kommunia:
Nalunaarutiginninneq
Kommuneqarfik Sermersooq:
Nalunaaruteqarnerit
Kommune Kujalleq:
Nalunaarutiginninneq
Kommunit sulianik ingerlatseriaasaat
Ernumassuteqarneq pillugu kommunimut nalunaaruteqarnermi kommuni nalunaarummik tigusisimanermik uppernarsaammik nassiussissaaq. Tamanna pissaaq kommunip nalunaarummik tigusineraniik sapaatip akunnera qaangiutsinnagu.
Kommuni pisussaatitaavoq pissutsit nalunaarummi tiguneqartumi eqqartorneqartut misissornissaanut, nalunaarutillu tiguneraniik 24 tiimit qaangiutsinnagit isumaginninnermik suliaqarnermik misissuineq aallartinneqassanersoq nalilersorneqassaaq.
Kommunimut nalunaaruteqarsimagaanni suliap ingerlanerani itinerusumik paasissutissinneqarnissaq piumasaqaataasinnaanngilaq.
Qitiusumik siunnersuisarfiup kommunimi sulisut (assersuutigalugu sullissisut) meeqqat inuusuttuaqqallu ikiortariallit pillugit siunnersuisinnaavoq ilitsersuussillunilu.