Angerlarsimaffiup avataanut meeqqanik inisiisarnerit

MIO meeqqanut angerlarsimaffiup avataanut inissinneqannginnerini angerlarsimaffiullu avataani inisseqqanerup nalaani meeqqat pisinnaatitaaffinnik ilitsersuisinnaavoq.

Meeqqat tamarmik angerlarsimaffiup avataanut inissinneqarsimasut immaqaluunniit angerlarsimaffiup avataanut inissinneqartussat MIO-mut saaffiginnissinnaapput.

MIO-p meeqqat angerlarsimaffiup avataanut inissinneqassanersut imaluunniit angerlartinneqassanersut aalajangersinnaanngilaa.

Meeqqat angerlarsimaffiup avataanut inissinneqarsimasut meeqqatut allatuulli pisinnaatitaaffeqartussaapput. Inissisimaneralli pillugu meeqqat immikkut arlaatigut innimigisariaqarput.

Assersuutigalugu meeqqat pisinnaatitaaffigaat:

  • Meeqqap inuuneranut tunngasunik aalajangiinerni meeqqap peqataatinnissaa tusaaneqarnissaalu
  • Atuarnissaq ilikkagaqarnissarlu
  • Angajoqqaat attaveqarfiginissaannut (assersuutigalugu pulaarnikkut oqarasuaatikkulluunniit attaveqatigiinnikkut). Kommuni imaluunniit Kalaallit Nunaanni Eqqartuussivik meeqqat ilaqutariilluunniit sinnerlugit malitassanik aalajangiisimasinnaapput.
  • Nammineq inuuneqarnissaminnut, meeqqalli angerlarsimaffiup avataanut inissinneqarnikut illersorniarlugit inersimasut meeqqap allangarsiai, mail-isiai, facebook-ikkut allangarsiai sms-ikkullu allangarsiai atuarsinnaavaat oqarasuaatikkullu oqaluussinerit tusarnaarsinnaallugit.
  • Meeqqat angerlarsimaffiup avataanut inissinneqarnikut meeqqamut siunnersuisumik namminerluunniit toqqissisimanarisaminnik pisariaqartitsisinnaapput. Meeqqamut siunnersuisoq toqqissisimanarisarluunniit inersimasuuvoq meeqqap oqaloqateqarusuleruni saaffigisinnaasaa. Meeqqamut siunnersuisup toqqissisimanarisalluunniit suliassatuaa tassaavoq meeqqamut najuunnissaq. Meeqqamut siunnersuisoq toqqissisimanarisarluunniit meeqqat nakorsamut attaveqarnerini, atuarfimmi ataatsimiinnerini assigisaaniluunniit ikiuussinnaapput. Meeqqat angerlarsimaffiup avataanut inissinneqarnikut siunnersuisoqarnissartik toqqissisimanarisaqarnissartilluunniit pisinnaatitaaffigaat. Meeqqat kommunimi sullissisuminniit ikiortillutik meeqqamut siunnersuisumik toqqissisimanarisaminilluunniit nassaarnissaminnut ikiorneqarsinnaapput. Siunnersuisoq toqqissisimanarisarluunniit tassaasinnaavoq meeqqap ilaqutaa, kammalaataa, ilinniartitsisua allaluunniit meeqqap toqqissisimanarisaa.
  • Meeqqat ullukkut unnuakkullu paaqqinnittarfimmut inissinneqarnikut inersimasumik attaveqarfigisaqartarput – perorsaasoq attaveqarfigineqarsinnaasoq – immikkut meeqqap qanoq inneranik nakkutiginnittuusoq.

MIO meeqqanut angerlarsimaffiup avataanut inissinneqarnikunut ikiuussinnaavoq pisinnaatitaaffiinik naammassinnittoqarsimanersoq qularnaarniarlugu (assersuutigalugu angajoqqaat attaveqarfigineritigut, namminerisamik inuuneqarnerinut ilanngunneqarnissaannullu tunngasunut).

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?