Meeqqat innarluutillit
MIO-p meeqqat innarluutillit oqaloqatigalugit nassuiaassinnaavaat meeqqat innarluutillit pisinnaatitaaffii suunersut, meeqqallu innarluutillit meeqqatut allatuulli atungassaqartitaasut.
Meeqqat innarluutillit tamarmik MIO-mut saaffiginnissinnaapput.
MIO meeqanut innarluutilinnut sulianut tunngasunut aalajangiisinnaanngilaq (Nalinginnaasumik MIO meeqqat pillugit sulianut aalajangiisinnaanngilaq).
Meeqqat innarluutillit meeqqatut allatuulli pisinnaatitaaffeqarput.
Meeqqat innarluutillit innarluuteqarnerat peqqutaalluni illersungaapput. Tamanna isumaqarpoq meeqqanut innarluutilinnut immikkut innimigisassaqartoq.
Immikkut innimigisassat ukununnga tunngasinnaapput:
- Meeqqat innarluutillit imaluunniit meeqqat ilikkarniarnerminni akimmiffillit atuarnerminni tapersersuisussamik pisariaqartitsisinnaapput.
- Meeqqat innarluutillit imaluunniit meeqqat ilikkarniarnerminni akimmiffillit inersimasunit avatagiisiminniittunit immikkut perorsaaneriaatsimik ilisimasalimmik pisariaqartitsisinnaapput.
- Meeqqat innarluutillit sumiiffinni tamanut ammasuusuni – atuarfiit, suliffeqarfiit, pisiniarfiit, katersortarfiit assigisaanilu innarluutilinnut isertarfeqarsinnaatitaapput.
MIO ataani allassimasunut innersuussisinnaavoq:
Tilioq: Tilioq-mi inuit innarluutillit atugarisaat pillugit aamma pisinnaatitaaffiit pillugit siunnersortittoqarsinnaavoq (info@tilioq.gl)