Kinguaassiutitigut atornerluineq
Meeqqat inuusuttullu ilaat kinguaassiutitigut atornerlunneqartarput.
Kinguaassiutitigut atornerluineq assigiinngitsuusinnaavoq. Imaassinnaavoq inersimasup – assersuutigalugu ilinniartitsisup, sungiusaasup, ilaquttap imaluunniit inuup allap attoraatit kinguaassiutitigut innimiilliornermut tunngasumik. Imaassinnaavoq aamma arlaata kunikkaatit, assiligaatit, kinguaasiornermut innimiilliortutut imalinnik allaffigigaatit imaluunniit pornofilmeqatigigaatit. Imaassinnaavoq aamma atoqatigigaatit piumavallaanngikkaluartutit.
Kinguaassiutitigut atornerluineq inerteqqutaavoq, pingaaruteqarporlu oqaluttuarinissaa kinguaassiutitigut atornerlunneqaruit. Inersimasumut oqaluttuarsinnaavutit, assersuutigalugu ilinniartitsisumut, qanigisarnut imalunniit inersimasumut allamut ilisarisimasarnut.
Meeqqat inuusuttullu kinguaassiutitigut atornerlunneqarsimasut misigikkajupput namminneq pisuussutigalugu, nalaatatillu kanngusuutigisarlugit. Kisianni pisuussuteqanngisaannarput. Inersimasut akisussaaffigiuaannarpaat kinguaassiutitigut atornerluisoqarpat.
Ilisarisimasarnik oqaloqateqarusunngikkuit tamatigut SMS-ikkut siunnersuisarfia 1899 imaluunniit Tusaannga 801180 saaffigisinnaavatit, qanoq iliornissarnik ikiorsinnaammatsit. Imaassinnaavoq atit apeqqutigigaat. Sukkanerpaamik ikiorniassagamitsit taama iliorput. Atit oqaatigerusunngikkukku aamma ajunngilaq.
MIO-mut aamma mailikkut mio@mio.gl saaffiginnissinnaavut imaluunniit telefonikkut 34 69 40 aamma politiit attavigisinnaavatit telefonikkut 70 14 48.
Meeqqat inuusuttullu suunulluunniit, persuttaanernut, timikkut, misigissutsikkut imaluunniit kinguaassiutitigut atornerlunneqarnermut, illersorneqarnissaminnut pisinnaatitaaffeqarput. Meeqqat inuusuttullu ikiorneqarnissartik pisinnaatitaaffigaat.