Peeraqarneq
Piffissami sukkulluunniit peeraqarneq amerlanernut pingaaruteqalersarpoq. Immaqa peerartaassaatit imaluunniit naamik.
Amerlasuut peeqqallit aamma asanninneq pillugu aliasuuteqarneq nalaatassaraat. Asanninneq pillugu aliasuuteqaraanni, suna tamarmi oqimaatsorujussuartut misiginartarpoq; nikallornarpoq, misigisinnaavallu qaquguluunniit nuannaaleqqinnaviarnak. Kisianni nuannaaleqqittarput. Tassanngaannaq asanninneq pillugu aliasuut taamaatittarpoq. Naliginnaasorujussuuvoq aliasunneq annaasaqartilluni. Aliasunneq pillugu uani atuarsinnaavutit.
Nalornisoornarsinnaavoq nalunngissallugu qanoq atsigisumik akuersaassanerluni peeraqaraanni. Kunissavara tasiussavaralu? Piffissaq angisooq atussavara peeraralu? Atoqatigissavara naameersinnaavungalu kajuminngikkuma? Tamatigut naameertoqarsinaavoq, illillu nammineq killissatit naalagaaffigaatit.
Amerlanerit peeqqatik ilorrisimaarutigisarpaat, ilaasali ersineq aliasunnerlu misigisarpaat. Ilaasa nuanniitsut peeqqaminniit misigiffigisarpaat assersuutigalugu persuttaaneq. Uani peeqqat persuttaasarnerat pillugu atuarsinnaavat.
Peerarniit ajortumik misigisaqaruit pingaaruteqarpoq allamik oqaloqateqarnissat. Nalugukku kina oqaloqatigissanerlugu tamatigut SMS-ikkut siunnersuisarfia 1899 imaluunniit Tusaannga 801180 aperisinnaavat. MIO-mut aamma mailikkut mio@mio.gl saaffiginnissinnaavut imaluunniit telefonikkut 34 69 40
Meeqqat inuusuttullu ajunngitsumik toqqissisimanartumillu inuunissartik pisinnaatitaaffigaat. Meeqqat inuusuttullu aamma akornusersorneqarani inuunermut kiisalu assersuutigalugu peeqqamit persuttarneqarnermut illersorneqarnissamut pisinnaatitaaffeqarput.