Internet
Piffissaq annertooq onlinemut atortarparput – inoqatinut attaveqaatinut (soorlu Facebook, Instagram allallu), apps, nittartakkallu assigiinngitsut. Sorpassuarnik internettimi nassaartoqarsinnaavoq – assersuutigalugu spillit, ikinngutit paasissutissallu.
Ajoraluartumilli internet aamma ajortunik misigisaqartitsisinnaavoq, soorlu pimmatigiinninnerit, assinik atornerluinerit imaluunniit ajortunik attaveqarneq nalunaarutisinerillu. Internettip aamma paasissutissat amerlasuut allatatit toqqortarpai. Taamaammat pisariaqarpoq mianersornissaq onliniugaangavit.
Ajornakusoorsinnaavoq paasiniassallugu internettimi qanoq imminut parissalluni, suut naaggaassanerlugit suullu pisinnaatitaaffiginerlugit.
Annikikkaluamik uani nalunaarusiami MIO’p sanasimasaani atuarsinnaavatit.
Aamma MIO’p SMS-ikkut siunnersuisarfia 1899 imaluunniit Tusaannga 801180 aperisinnaavatit nalorniguit qanoq iliussanerlutit imaluunniit internettimi nuanniitsumik misigisaqaruit. Aamma MIO-mut saaffiginnissinnaavutit mailimut mio@mio.gl imaluunniit telefon 34 69 40.
Siunnersuutit pitsaasut internettimi atorsinnaasatit:
- Isumannaatsumik kodeqarnissarnut ikiortissarsiorit
- Inummut tunngasut ingerlateqqeqinagit
- Apereqqaarit ikinngutivit imaluunniit ilisarisimasavit assiinik videonilluunniit ingerlatitseqqinniaruit
- Ilisarisimanngisatit allaqatigeqinagit
- Antivirusprogrammi atoruk
- Linkit nalusatit ammaqinagit
- Inersimasut oqaloqatigikkit internet qanoq atortarnerlugu
Meeqqat inuusuttullu internetiimiit paasissutissanik aallernissamut pisinnaatitaaffeqarput, inuttut illersorneqarnissamut kiisalu ikiorserneqarnissaminnut