Aliasunneq
Annaasaqaraanni aliasunneq misigineqarsinnaavoq.
Alisunneq assigiinngitsorujuarnik misigineqartarpoq: immaqa qiajuaannarsinnaavutit, immaqa ersisinnaavutit paatsiveerullutillu upperinagulu pisoq. Immaqa imminut mattussinnaavutit imaluunniit misigisinnaavutit annerusumik nikallungasariaqaraluarlutit. Aliasunneqanngilaq allamiit eqqornerusumik. Inummiit inummut assigiinngitsumik misigineqartarpoq.
Annaasaqartoqarsinnaavoq assigiinngitsunik arlalinnik. Imaassinnaavoq angajoqqaat arlaat toqusoq, imaluunniit ikinngut imaluunniit alla ilisarisimasaq. Aamma imaassinnaavoq qimmeq toqusoq allanulluunniit tunniunneqartoq. Immaqa ikinngut annaasinnaavat illoqarfimmut allamut nuummat, immaqa angaa imaluunniit akkaa napparsimasorujussuusinnaavoq imaluunniit angajoqqaaq annaasinnaavat avinnialermata.
Aliasukkaanni aliasuutigisaqaraanniluunniit piffissaq sivisooq ingerlasinnaavoq nuannaaqqilernissap tungaanut. Pissusissamisoorpoq misigiguit taamaatinnavianngitsoq, kisianni tassanngaannaq taamaatittarpoq. Amerlasuut isumaqartarput aliasunneq annaasaqarnerlu oqaluuserissallugit oqimaatsuusoq, kisianni pingaaruteqarpoq oqaloqateqarnissaq misigissutsit pillugit, piffissaq kingorna oqinnerulerniassammat.
Nalugukku kina oqaloqatigissallugu tamatigut SMS-ikkut siunnersuisarfia 1899 imaluunniit Tusaannga 801180 aperisinnaavat. MIO-mut aamma mailikkut mio@mio.gl saaffiginnissinnaavut imaluunniit telefonikkut 34 69 40.
Meeqqat inuusuttullu tusarneqarnissartik pisinnaatitaaffigaat aamma ikiorneqarnissartik pisinnaatitaaffigaat.