Meeqqat inuusuttullu pillugit
MIO-p meeqqat inuusuttullu pillugit ilisimasai – nalunaarusiat misissuinerillu 2004-2014
Kalaallit Nunaanni piffissami 2004-miit 2014-imut meeqqat inuusuttullu pillugit nalunaarusiat misissuinerillu inernerisaat pingaarnerit MIO-p katersorsimavai.
Paasissutissat nalunaarusiarmut ”MIO-p meeqqat inuusuttullu pillugit ilisimasai – nalunaarusiat misissuinerillu 2004-2014”-mut katersorneqarnikuupput, nalunaarusiaq 2015-imi marsimi saqqummerpoq uanilu aaneqarsinnaalluni.
Angajoqqaanut atuagassiaq “Asannittumik”
Angajoqqaat tamarmik atuakkamik isumassarsiorfigineqarluarsinnaasumik ”Asannittumik” Pisiffimmut Pilersuisumullu akeqanngitsumik aallersinnaapput. Atuakkap angajoqqaanut eqqarsalersitsissutissanik imaqarpoq isumassarsiorfigineqarsinnaasunik, atuakkamullu suliarinnittuupput Meeqqat pisinnaatitaaffii pillugit sullissivik MIO , NAKUUSA-lu.
Atuagaq “Asannittumik”una toorlugu aaneqarsinnaavoq.
“Inuk inuuvoq”
Nalunaarusiaq ”Inuk inuuvoq” Uummannami, Ilulissani, Maniitsumi, Nuummi, Qaqortumi aamma Narsarsuarmi meeqqat ulloq unnuarlu angerlarsimaffinnut ilaqutarsianullu inissinneqarsimasut 33-it apersorneqarneri tunuliaqutaralugit pilersinneqarsimavoq. Meeqqat inissinneqarnertik, inissinneqarsimasutullu inissisimanertik qanoq misigisimanerlugu oqaluttuarput. Misissuinermi meeqqat atugarissaarnissaat qitiutinneqarpoq, kisiannili aamma meeqqat sullissivinnit peqataatinneqarsuimanerat, taassumalu ataani iliuusissamik pilersaarusiornerup suliarineqarnerani ilaquttaminnut attaveqarnerat, siunissarlu pillugu eqqarsaataannik aammalu pisariaqartitsinerminni ikiorneqarsimanerat isiginiarneqarluni.
Misissuinerup, meeqqanut suliniuteqartoqarneranut atatillugu misigisaasa, inatsisit malillugit suliaqarnerup qanoq ataqatigiinngitsiginerat takutippaa. Meeqqat peqataatinneqarnissaat aamma iliuusissamut pilersaarusiornerup pingaarnersiuinermi qaffasissumik inissisimanissaat pisariaqartinneqarpoq. Taamaalilluni ikiuiniarluni iliuutsinut tunngatillugu pilersaarusiornermi, siunissaq pillugu meeqqat peroriartorneranni ilaqutariinnut attaveqarneq atajuarnerlu pilersinneqassammata. Misissuineq saniatigullu meeqqat inuusuttullu pillugit isumaginninnermi suliaqarnermi atugassarititaasut tunuliaqutaralugit, meeqqat eqqugaasinnaasut pillugit sukkanerusumik isumaginninnikkullu piukkunnassuseqartumik suliniuteqartoqarsinnaaniassammat, MIO-p maluginiaqquaa iliuusissamut periarfissanik aammalu meeqqanut inuusuttunullu immikkoortortani pisortatigut sullissisunik amerlanerusunik pisariaqartitsisoqarnera.
Internetikkut uani atuaruk.
PDF-itut uani aaguk.
Inatsimmiit suliarineranut
MIO-p maajimi 2014-imi mississuineq “Inatsimmiit suliarineranut” saqqummersippaat. Ilaatigut inatsisip piviusunngorluni atuitilersinnaanera, massakkut sullissineq meeqqamut pitsaanerpaajunersoq, aammalu meeqqap inatsisit malillugu naalaanneqartarnersoq qitiutinneqarput.
Misissuineq una toorlugu aaneqarsinnaavoq.
Meeraq kinaluunniit piitsuutitaalluni peroriartussanngilaq
MIO-p Statens Institut for Folkesundhed aammalu Kalaallit Nunaanni Naatsorsueqqissaartarfik suleqatigalugit nalunaarusiaq “Meeraq Kinaluunniit piitsuutitaalluni peroriartussanngilaq” saqqummersinnikuuaat.
Nalunaarusiaq una toorlugu aaneqarsinnaavoq.
MIO-p meeqqat pisinnaatitaaffii pillugit plakaatia “Pisinnaatitaaffikka”
MIO meeqqat pisinnaatitaaffii pillugit plakatiliortitsinikuupput, meeqqat nammineq pisinnaatitaaffitik ilisimalerneruniassagamikki.
MIO-p plakatia Pisinnaatitaaffikka
MIO-p siunnersuutai pitsaasut – quppersakkat
MIO quppersakkanik inersimasunut meeqqanullu siunnersuutitsialannik imalinnik saqqummersitsivoq. Quppersakkani ilaqutariinni ataataasup anaanaasullu najugaqatigiikkunnaareernerisa kingorna alliartorneq imminortarnermillu pinaveersaartitsineq eqqartorneqarput.
Anaana ataatalu najugaqatigiikkunnaalerpata
MIO-p Kalaallit Nunaat tamaat angalavigaa aammalu meerarpassuit inuusuttorpassuillu najugaqatigiikkunnaarsimasunik angajoqqaallit oqaloqatigigalugit. Tamanna tunngavigalugu MIO pingasunik quppersagaliorpoq. Quppersagaq siulleq meeqqanut inuusuttunullu najugaqatigiikkunnaarsimasunik angajoqqaalinnut MIO-p siunnersuutaanik imaqarpoq. Quppersakkap aappaa meeqqat meeraqatiminnut
siunnersuutaannik imaqarpoq, kingullerlu inersimasunut meeralinnut najugaqatigiikkunnaarsimasunut siunnersuutinik imaqarluni.
Inersimasunut siunnersuutit pitsaasut – Anaana ataatalu najugaqatigiikkunnaalerpata
Meeqqaniit Meeqqanut siunnersuutit pitsaasut – Anaana ataatalu najugaqatigiikkunnaalerpata
Imminut toquttarneq pinaveersaartinniarlugu
MIO-p meeqqat inuusuttullu oqaloqatigisarnikuuai qinnuigisimallugillu meeqqat inuusuttullu imminornissaminnik eqqarsaateqartut imaluunniit nalunngisaminnik imminorsimasumik misigisaqarsimasut qanoq ikioqatigiilluta ikiorsinnaanerigut siunnersuusioqqullugit. Uani quppersagaq takujuk.
Meeqqat internetsimik inuillu attaveqaqatigiittarfiannik atuinerat pillugu
2014-mi MIO meeqqanut paasisimaqarfimmik pilersitsivoq, kalaallit meeqqat atuarfianni 6-7. klassimi atuartunik.
MIO’p Meeqqat paasisimasaqarfiatigut meeqqat ulluinnarni sammisaat assigiinngitsut atugaallu tusarusuppai. Meeqqat paasisimasaqarfiatigut meeqqat nipaat tusarneqartarput. Uani misissuinermi paasisimasaqarfikkut meeqqat internettimik inuillu attaveqaqatigiittarfiannik atuinerat pillugu aperineqarsimapput.
Una nalunaarusiaq inersimasunut sanaajuvoq. Atuartut misissuinermi peqataasut aammattaaq nalunaarusiamik tunineqarput, apeqqutinut akissutaat ilanngullugu.
Taanna takuneqarsinnaavoq uani: Meeqqanut Inuusuttunullu Saqqummersitami.
Nalunaarusiaq uani takuneqarsinnaavoq.
Najorti
Najorti meeqqanut inuusuttunullu Kommunemi suliamut tunngatillugu, peqataatitsillunilu tapersersuisinnaasoq. Meeqqat ilai Kommunemi sullinneqarnerminni inersimasumik tapersersorteqarnissaminnik periarfissaqanngillat. Suliat taakku angerlarsimaffiup avataanni inissiinermik tunngassuteqarsinnaapput. Meeqqat ilai sorusuppiarnerlutik oqaatigineq sapertarpaat imaluuniit suliap ingerlarnga qanoq ingerlanersoq paasiumaatittarlugu. Taamaatoqartillugu Najorti meeraq ikiorsinnaassarpaa.
Najortitut ilinniarsimasoq tassaavoq inersimasoq meeqqanut tunngasunik ilinniagalik, inatsisit meeqqanut tunngasut kommunillu ingerlanneqarneranik suleriaasaanillu ilisimasalik.
Najorti meeqqat inuusuttullu tunngavigalugit pillugit sulivoq aammalu meeqqat oqaaseqartartuatut ingerlalluni. Najorti sumulluuniit attuummassuteqanngilaq illuinnaasiortuunnanilu, taammaallaat meeqqat inuusuttullu kisimik sullitaralugit. Najorti meeqqat inuusuttullu isumaat, oqaatigerusutaat, kissaatigisaat oqaluttuarinissaanut ikiortassallugit.
Najorti aamma ataatsimeeqqatigiinermi oqaatigineqartut, meeqqamutt inuusuttumullu paasinninnissaannik nassuiaanissaanik isumaginnittoq. Aammalu sullinneqarnermi pisortaqarfinni ataatsimiinermi aalajangiinermilu meeqqamut inuusuttumullu tapersersuisussaq.
FN’p Meeqqat Pisinnaatitaaffiisa Ataatsimiitsitaliaanut nalunaarusiaq
Namminersorlutik Oqartussat Naalagaaffiit Peqatigiit Meeqqat pillugit komité-anut nalunaarusiaa MIOp isornartorsiorpaa meeqqat inuusuttullu Kalaallit Nunaani inooriaasiat pillugu, taakkartorpagullu uagut isumatsinni Meeqqat Pisinnaatitaaffiisa Ataatsimiitsitalianit eqqumaffigisassaasut.
Uani atuaruk (malugiuk tuluttut allaqqammat).