MIO-mi Ukiumut nalunaarusiorneq
Meeqqat siunnersuisooqatigiivi ukiumut suliatik pillugit nalunaarusiortassapput. Tamanna siullermeerluni pissaaq 2012/2013-illu nikinnerini, takuuk Oqaaseqaatit § 16-mi, imm. 2-mi Meeqqat Illersuisuannut aammalu Meeqqat Siunnersuisooqatigiivinut tunngasumi inatsimmi:
Meeqqat siunnersuisooqatigiivisa sulinertik kikkunnut tamanut paasissutissiissutigisartussaavaat. Tamanna Meeqqat siunnersuisooqatigiivisa sulinerannut naatsorsuutaalluinnarpoq.
Aalajangiussaavoq, Meeqqat siunnersuisooqatigiivi akisussaaffilerneqarsimammata, ukiut tamaasa allaaserisamik ukiumi suliffiusumi sulerisimanertik nalunaarusiarisassagaat. Nalunaarusiarlu kikkunnit tamanit atuarneqarsinnaalerluni inissisimasassaaq.
Nalunaarusiami meeqqat pisinnaatitaaffii pillugit sullissivimmi ukiumi qaangiuttumi suut sammineqarsimanersut allaqqasassaaq, FN-illu meeqqat pillugit isumaqatigiissusiaanik atuutsitsilernissaq sumut killinnersoq aamma nalunaarutigineqartassalluni. Saniatigut aamma Meeqqat siunnersuisooqatigiivisa meeqqat inuusuttullu pillugit suliniutit suut siuariarsimanersut nalilersortassavaat, killormullu suut ajorseriarsimanersut nalilersortassallugit.
MIO-p Ukiumoortumik Nalunaarusiaa 2012
MIO-p_Ukiumoortumik Nalunaarusiaa 2013