MIO-p nunatsinni atuarfiit tamarmik titartaalluni unammisitsinermi peqataanissaanut qaaqquai

MIO-p ukiut tamaasa 20.november Meeqqat pillugit Isumaqatigiissutsip inuuia malunnartittarpaa. Ukioq manna Meeqqat pillugit Isumaqatigiissut 30-liissaaq, tamannalu immikkut malunnartikkusupparput nunatsinni atuarfinnut tamanut titartaanermik unammisitsinikkut. Taamaammat atuartuutisi tamarmik peqataanissamut qaaqqorusuppagut.

Unammisitsinerup siuntertaraa atuaqatigiit peqataanermi Meeqqat pillugit Isumaqatigiissut misissussagaat, oqaloqatigiissutigissagaat kingornalu isumaqatigiissutsip ilaa tamaalluunniit titartassagaat. Atuaqatigiit ataatsit titartagaq ataaseq nassiutissavaat; titartakkap qanoq isikkoqarnissaa sumillu imaqarnissaa atuaqatigiinni aalajangiunneqassaaq.

Unammisitsinerup siunertaraa meeqqat pisinnaatitaaffitsik pillugit ilikkagaqartinnerunissaat, pisinnaatitaaffitsik qanoq isigineraat takunissaa, aammattaaq Naalagaaffiit Peqatigiit Meeqqat pillugit Isumaqatigiissutaannut ilisimasaqarnerunissamut siammarterinermik meeqqat peqataatinnissaannut.

MIO ajugaasussanik atuaqatigiinnik pingasunik toqqaassaaq – allorfinnit tamanit ajugaasoqassaaq. Pinnatassat tassaapput klassefestimut nerisassat, imigassat kusassaatillu, Kalaallit Nunaanni Brugsenimit tunniussat. Taassuma saniatigut ajugaasut titartagaat plakaatinngorlugit MIO-mit saqqummersinneqassapput. Titartakkat MIO-p sulinerani meeqqallu pisinnaatitaaffiinut ilisimasaqarnerunissamut siammarterinermi sulinermi atorneqassapput.

Atuarfiit tamarmik atuaqatigiillu tamarmik peqataanissaannut kajumissaarusuppagut, neriuutigaarpullu qaaqqusissut ilinniartitsisunut tamanut atuaqatigiinnullu tamanut ingerlatissinnaassagisi.

Peqataaniarussi ilinniartitsisoq:

 • Atuaqatigiit unammisitsinermut allatsissavai kingusinnerpaamik 20.september, uunga allannikkut: Avijâja Jepsen e-mail askj@mio.gl
Allatsinnermi uku ilanngutissavai: Atuarfiup aqqa, atuaqatigiit sorliunersut, ilinniartitsisup aqqa sukkullu attavigineqarsinnaanera, aammattaarlu atuaqatigiinni atuartut qassiuneri.

 • MIO-p titartakkat kingusinnerpaamik 1.november tigoreersimassavai (postboks 1290, adresse: Qullilerfik 2 801-2, 3900 Nuuk)

 • Ajugaasut Meeqqat pillugit Isumaqatigiissutip inuuiani 20. November saqqummiunneqassapput, taassumali sioqqullugu ajugaasut paasitinneqariissallutik.

 

MIO pillugu paasissutissat uani nassaassaapput:  www.mio.gl
Taassuma ataani meeqqat pisinnaatitaaffii pillugit paasissutissat ilaatigut uani nassaassaapput: 
http://mio.gl/wp-content/uploads/2018/07/2018_06_mio_konvention_kort_web4.pdf
http://mio.gl/wp-content/uploads/2017/03/NAKUUSA_Mio_Foraeldrebog_dk_opslag_lowres1.pdf
http://mio.gl/wp-content/uploads/2017/03/mio-imr_undervisning_dk_web.pdf

Atuartunut ilinniartitsisuinullu qaaqqusissut uani atuarneqarsinnaavoq.
Neriuutifaarput atuaqatigiit amerlasuut peqataanissaat, titartakkallu tigunissaat qilanaaraagut.  

Atuartuutissi peqataarusunnissaat neriuutigaagut tusarfiginissarsilu qilanaaralugu.

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?