Tusagassiorfiinnut nalunaarut: Naalagaaffiit Peqatigiit Meeqqat pillugit isumaqatigiissutaata kinguneqartinniarneqarnera ajungaarmat aatsaalloortariaqarpoq!

Naalagaaffiit Peqatigiit Meeqqat pillugit isumaqatigiissutaata kinguneqartinniarneqarnera ajungaarmat aatsaalloortariaqarpoq!

Inatsisartut Naalagaaffiit Peqatigiit Meeqqat pillugit Isumaqatigiissutaat kinguneqartinniarlugu iliuussissatut pilersaarut nutaaq suliarineqarnissaanut siunnersuut eqqartortussanngorpaat. Meeqqat Illersuisuat Naalakkersuisut iliuuserisassatut pilersaarutaat massakkut atuutsinneqartoq naammaginanngilaq. Qinikkat kajumissaarpai iliuuserisassatut pilersaarutip amigaatai nassuerutigeqqullugit kajumissaarpai, iliuusissatullu pilersaarummik nutaamik suliarinnittoqarnissaanut tapersersueqqusivoq.

 

”Ilimasussimagaluarpunga Naalakkersuisut iliuusissatut pilersaarummik nutaamik akuersaartumik takussallunga, ilimagisimallugulu Meqqanut isumaqatigiissutaasoq allaaserisani 19-iusuni malinneqannginnera iliuuseqarfigineqassasoq, tamannami Nunatta eqquutsinngikkaa MIO´mit  uppernarsareermagu. Killormut aajuna nalunaarusiassamik tunitippugut maannakkut iliuuserineqarnerartunik nassuiaassisoq, iliuuseqarusussusermik ersarissumik soqarani aamma sumukarfissamik tikkuartuinani. Ilumoorlunga ajornakusoortippara takussallugu, massakkut iliuusissatut pilersaarutaasoq qanoq ililluni inuiaqatigiitsinni meeqqanut allanguisinnaassanersoq. Taamaammat nuannaarutigilluinnarpara, Inatsisartut iliuusissamik pilersaarummik nutaarluinnarmik sanatitsisoqarnissaa periarfissat ilaattut eqqartuleraat paasigakku”, Meeqqat Illersuisuat Aviâja Egede Lynge oqarpoq.

 

Inatsisartut majip aappaani siunnersuummik eqqartuilerput, Naalagaaffiit Peqatigiit Meeqqat Pisinnaatitaaffiisa pillugit isumaqatigiissut naapertorlugu iliuusissatut pilersaarummik nutaarluinnarmik sanasoqarnissaa siunniullugu. Iliuusissatut pilersaarut nutaaq massakkut atuuttumut sanilliullugu ataatsimoortumik pilersaarusiornissamik ataqatigiissaarinissamillu aqqutissiuissaaq, taamaalilluni meeqqat pisinnaatitaaffiisa eqqornerusumik malinneqalernissaat qulakkeerneqarsinnaanngussalluni, naalakkersuinikkut ataatsimoorussamik akisussaaqatigiinneq aallaavigalugu.

 

Siunnersuummut apeqqusersuisoqarnerani ilaatigut tunngavigineqarpoq, iliuuserisassatut pilersaarut taamaallaat qitiusumit pisortaqarfimmiit susoqarnissaa aallaaviusimammat, susassaqartullu iliuuserisassatut pilersaarutissap suliarneqarneranut akuutinneqarsimanatik.

 

Meeqqat Illersuisuat apeqqusiillutik isornartorsiuisunut tapersersuivoq. MIO 2016-miit iliuusissatut pilersaarummik tunngavilersuilluni noqqaajuarsimavoq, tamannami aqqutigalugu innuttaasuni piginneqataasutut misigisimanissaq anguneqarsinnaammat, piuaannartitsinikkullu ineriartornissamik aqqutissiuisoqarsinnaalluni ullumikkutut susoqartorlu asuli qamititerinersuaq atuinnarnagu. Naalagaaffiit Peqatigiit innersuussuteqaraluarpoq ersarissunik arlalinnik, taamaalilluni nuna tamakkerlugu iliuusissatut pilersaarut suna imarissaneraa ersarinnerulissalluni Naalagaaffiit Peqatigiit Meeqqanut Isumaqatigiissutaat malinniaraanni.

 

”Iliuusissatut pilersaarut atuuttoq Naalagaaffiit Peqatigiit innersuutaannut naapertuutinngivippoq, tassami nuna tamakkerlugu iliuusissatut pilersaarutip imarisassai allarluinnaapput. Uani eqqartorneqartut tassaanerupput qitiusumik allaffeqarfissuarmut tunngasut, taakkualu innuttaasut ukkatarisaat ilanngussimanngilaat. Najukkami innuttaasut iliuusissatut suliassaasut suliarineqarnerini ilanngunneqarsimanngivipput, taammaattoq nammineq ilimagivaat, kommunit najukkamilu innuttaasut kivitseqataaniarlutik akisussaafferujussuarmik tigusiniartut. Taamatullu ilimasupput naak iliuusissatut pilersaarut anguniakkanik tigussaasunik imaqanngivissoq aamma kikkut sulersissanersut aamma suna akisussaaffigissaneraat ersarissarneqarsimanani. Tamanna piviusorpalaanngilluinnarpoq”, taamatut oqarpoq Meeqqat Illersuisuat Aviâja Egede Lynge.

 

Meeqqat Illersuisuat neriuppoq, qinikkat massakkut iliuuserisassatut pilersaarutip atuutsinneqartup amigaatai ilungersortumik paasissagaat, iliuusissamik pilersaarutip nutaap suliarineqarnissaannut siunnersuutaasoq eqqartulerpassuk. Iliuuserisassatut pilersaarut meeqqat innuttaasut atorfissaqartitai najoqqutaralugit siunniussaqanngippata, taava ersinngitsumik inunnik aqutsineq sakkortusisoorsinnaavarput, tamannarpiarmi MIO´p misilittagaqarfigereerpaa najukkami inuiaqatigiinni arlalinni.

 

”Innuttaasut tamakkiisumik ilanngunneqanngippata, taakkuummatami iliuusissatut pilersaarummiittut, ineriartorneq aamma iliuuserisassatut atuutsinneqartussat pillugit taakkununnga tunngammat, taava naatsorsuutigisinnaanngilarput ersinngitsumik inunnik aqutsineq peersinnaassallugu, tamannarpiaavormi najukkami inuiaqatigiinni qalliusoq, meeqqallu pisinnaatitaaffiinik eqquutsitsiniarnitsinni aporferujussuuvoq. Inuiaqatigiit ersinngitsumik qaffasissumik inunnik aqutsisut ilisarnaatigivaat kultureqaramik nipaarluunermik tunngaveqartumik, meeqqat pisinnaatitaaffii kanngutsaatsuliorfigineqarpataluunniit nipangersimaannartoqarluni. Nuna tamakkerlugu iliuusissatut pilersaarummut neriuutiga tassaasimavoq, ersinngitsumik inunnik aqutsineq unitsinneqassasoq, meeqqallu ajunnginnerpaamik pineqarnissaat qitiutinneqalerluni, iliuuserisassatullu pilersaarutip massakkorpiaq isikkua najoqqutaralugu tamanna takorlooruminaatseqaara”, taamatut oqarpoq Meeqqat Illersuisuat Aviâja Egede Lynge.

 

Iliuusissatut pilersaarutip nutaap Naalagaaffiit Peqatigiit Meeqqat pisinnaatitaaffii pillugit Isumaqatigiissutaat suliarineqarnissaannut siunnersuut majip aappaani Inatsisartuni siullermeerluni suliarineqartussaavoq.

 

Asannittumik inuulluaqqusillunga

 

Aviâja Egede Lynge

Meeqqat Illersuisuat

Meeqqat pisinnaatitaaffii ilisimavigit?

Meeqqat nerisassanik, sinimmik isumassorneqarnissamillu pisariaqartitsipput: Meeqqat timikkut, tarnikkut, anersaakkut, inuuniarnikkullu ineriartorniassagunik pitsaasunik atugassaqartinneqarnissartik pisinnaatitaaffigaat.

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat ullumi ulloqeqqanut sutorpa?

Meeqqat pisinnaatitaaffii nalunngiligit?

Meeqqat nerisassat, sinik isumassorneqarnerlu pisariaqartippaat: Meeqqat asanninermik misigitippiuk? Meeqqat Innalermat atuffappiuk, ullaakkut makeqatigaajuk, aneernerani malinnaaffigaajuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Meeqqat illaqatiginissaa eqqaamaviuk?

Meeqqat pisinnaatitaaffii ilisimavigit?

Meeqqat nerisassat, sinik isumassorneqarnerlu pisariaqartippaat: Eqqaamallugu meeqqat qimalerukku asallugu eqitaarnissaa kunilaarnissaalu.

Meeqqat pisinnaatitaaffii ilisimavigit?

Meeqqat atuarnissaminnut pisinnaatitaaffeqarlutillu piginnaatitaaffeqarput: Eqqaamaviuk, meeqqavit ullumi suna ilinniarsimaneraa pillugu oqaloqatigissallugu?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Illit pisariaqartitatit tunulliuppigit meeqqavit pisariaqartitai salliutillugit?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Meeqqat oqaloqatiginerani ”Qanoq isumarpit?”-mik aperinissaa eqqaamaviuk?

Meeqqat pisinnaatitaaffii ilisimavigit?

Angajoqqaat meeqqamik inuunerissaarnissaannut akisussaanerpaapput: Ullumi meeqqat nersualaassallugu pakkutissallugu eqqaamaviuk?